Stangaveiðifélag Akureyrar deilir heldur viðbjóðslegri mynd á Facebook-síðu sinni, en þar má sjá magainnihald urriða. Í maga urriðans voru í það minnsta tvær mýs, af myndinni að dæma.
Stangveiðifélagið segir urriða ótrúlega skepnu: „Þessi veiddist í Bægisárhyl á svæði 5A í Hörgá og var vel saddur af magainnihaldinu af dæma ! Hann tók Toby spún og var um 50 sm langur. Veiðimaðurinn sem krækti í músaveiðarann heitir Sigmar Bergvin Bjarnason. Þökkum honum fyrir að deila þessari athyglisverðu mynd með okkur.“