Inga Lind Karlsdóttir, lögfræðingur, fjölmiðla- og stjórnmálamaður, greinir frá heldur leiðinlegri lífreynslu á Facebook-síðu sinni.
Hundurinn hennar Pablo asnaðist til að velta sér upp úr mannaskít sem varð á vegi hans í Garðabænum. Inga Lind greinir frá því að hún hafi þurft að þvo hundinn í það minnsta fimm sinnum.
„Pablo fann mannaskít í göngutúrnum sínum í morgun og ákvað að velta sér vel og vandlega upp úr honum. Æðislegt alveg. Hér sést hann í fimmta baði dagsins,“ segir Inga Lind og birtir mynd af hundinum í bala.
Eðlilega eru flestir á þeirri skoðun að þetta sé hinn mesti viðbjóður. Ein vinkona hennar spyr hvort þetta hafi verið eftir ferðamenn. „Ég veit! Algjör viðbjóður. Varla túristakúkur, þetta var bara á göngustíg hér í hverfinu,“ segir Inga Lind.
Fréttamaðurinn fyrrverandi, Árni Snævarr, skrifar athugasemd og segir: „Enginn er verri þótt hann hafi velt sér upp úr mannaskít.“