Í kvöldfréttum Stöðvar tvö í gær sagði Magnús Hlynur Hreiðarsson, fréttamaður á Suðurlandi frá tólf ára dreng í Biskupstungum sem slegið hefur í gegn í sveitinni sem bæði söngvari og Ukulele leikari. Það var hins vegar hesturinn Kolfinnur sem stal senunni í lok innslagsins þegar greddan bar hann ofurliði. Sjáðu þetta kostulega atvik hér að neðan en það má sjá þegar um 30 sekúndur eru eftir af viðtalinu.
Þegar tónlistarmaðurinn Daníel Aron skellti sér á bak á Kolfinni og tók lagið birtist merin Tign. Hún hafði þau áhrif á Kolfinn sem er 26 vetra að hann gat hreinlega ekki beðið lengur.