Grínistinn Ari Eldjárn og kona hans Linda Guðrún Karlsdóttir eignuðust stúlku síðastliðinn laugardag, 18 ágúst. Þetta er annað barn þeirra en fyrir eiga þau dótturina Arneyju Díu.
Linda Guðrún greinir frá þessu á facebook. Fram kemur að allt hafi gengið að óskum en litla stúlkan var 14 merkur og 50 cm að stærð.
Óhætt er að fullyrða að helgin hafi verið tíðindarík hjá fjölskyldunni en sama dag og yngri dóttirin kom í heiminn tók Ari þátt í Reykjavíkurmaraþoni Íslandsbanka og safnaði áheitum fyrir minningarsjóð bróður síns, Kristjáns Eldjárn.
Daginn eftir, þann 19.ágúst, fagnaði Arney Día síðan fimm ára afmæli sínu.
„Við Ari erum endalaust þakklát fyrir þessar tvær litlu manneskjur,“ ritar Linda Guðrún jafnframt.