Meðfylgjandi myndskeið hefur vakið heilmikla kátínu en þar má sjá starfsmenn Kjörís undirbúa sig fyrir hinn árlega ísdag sem haldin verður í Hveragerði á morgun.
Viðburðurinn hefur fyrir löngu skipað sér sess á meðal fjölmargra Íslendinga. Gestir fá þá tækifæri til smakka á hinum ýmsu ístegundum en sumar þeirra munu seint teljast hefðbundnar.
Undanfarin ár hafa gestir meðal annars fengið að bragða á ís með geitamjólkurbragði, gráðostabragði og poppkornsbragði að ógleymdum durainísnum en durain ávöxturinn er talinn verst lyktandi ávöxtur í heimi.
Kjörís bregður að sjálfsögðu ekki út af vananum nú í ár og hyggst meðal annars bjóða gestum og gangandi upp á truffluís, kúmenís og ís í raspi.
Ein af ístegundum vekur þó meiri athygli en aðrar og flokkast eflaust með þeim djarfari sem Kjörís hefur ráðist í en uer að ræða ís með Surströmming síldarbragði. Suströmming kemur frá Svíþjóð og er vinsæl á hátíðarborðum þar í landi en síldin er látin gerjast í viðartunnum og síðar í niðursuðudósum í nokkra mánuði áður en hún er tilbúin til neyslu.
Þegar dós af Surströmning er opnuð gnýs upp fnykur sem minnir helst á rotin egg og fyrir sumum er lyktin svo viðbjóðsleg að þeir kúgast og kasta upp. Þetta sést ef til vill best á myndskeiðinu hér fyrir neðan þar sem starfsfólk Kjörís freistast þess að smakka síldina alræmdu. Sjón er sögu ríkari.
https://www.facebook.com/kjorisiceland/videos/688902911494851/?hc_ref=ARQbxLcGy2zvxvMI6HVIC4cpEvbrQz5C-sTAGce1JurQmbhzP8FWJ00hekIH4XSITpI&fref=gs&dti=382559295259268&hc_location=group&__xts__[0]=68.ARABOw6NXhYWnDi1wH3TF7zUu3Cqec2jb2xIH9_1v20f3MjcEo0ReeehaBTjm15VNGN_Lc4R8xdJW-emH9VN9rRATNrdNtCTFBIlfauzTbreTLcuRt76bm3IeQinfzzHjo2VKJqzaCVU&__tn__=FC-R