Fókus

Íslenskur nuddari bjargaði lífi bandarískrar raunveruleikastjörnu

Auður Ösp
Fimmtudaginn 16. ágúst 2018 11:30

Tamra Judge

Tamra Judge, ein af stjörnunum úr raunveruleikaþáttunum The Real Housewives of Orange County greindist með sortuæxli eftir að hafa verið hvött af íslenskum nuddara að fara í blettaskoðun. Hluti þáttaraðarinnar var tekinn upp á Íslandi seinasta sumar.

Í samtali við The Daily Dish segist Tamra hafa verið með fæðingarblett á rasskinninni en aldrei veitt blettinum neina sérstaka athygli. Þegar hún dvaldi á Íslandi sumarið 2017 fór hún til nuddara. Sú sem nuddaði hana tók eftir blettinum og benti henni á að það væri vissara fyrir hana að láta lækni skoða blettinn nánar.

Tamra segist í fyrstu ekki hafa tekið mark á þessum varnaðarorðum en nokkrum mánuðum síðar þurfti hún að leita til húðsjúkdómalæknis út af öðru vandamáli. Ákvað hún  í lok tímans að sýna lækninum blettinn og spyrja hann álits. Bletturinn var í kjölfarið sendur í ræktun.

„Síðan var hringt í mig þar sem ég sat í bílnum og sagt við mig: „Þú ert með sortuæxli“ og ég sagði bara: „Ó, guð.“ Ég átti alls ekki von á þessu,“ segir hún og bætir við að blessunarlega hafi meinið verið á byrjunarstigi og því verið auðvelt að meðhöndla það. Hún er nú undir ströngu eftirliti og fer í skoðun hjá húðsjúkdómalækni á þriggja mánaðafresti.

Hún kveðst vera mun meðvitaðri um heilsuna nú en áður og gætir þess að mæta reglulega í eftirlit. Þegar hún var yngri lá hún í sólbaði klukkutímum saman og bar aðeins barnaolíu á húðina en enga sólarvörn. Þetta var á níunda og tíunda áratug seinustu aldar og kveðst Tamra verða vör við vitundarvakningu um húðkrabbamein á meðal fólks af hennar kynslóð.

„En ef hún hefði ekki neitt sagt við mig [Á Íslandi] þá hefði líklega aldrei látið athuga blettinn nánar.“

Auður Ösp
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Þetta hafði þjóðin að segja um Flateyjargátuna: Fara Íslendingar í rúmið hver með öðrum án þess að þekkjast?

Þetta hafði þjóðin að segja um Flateyjargátuna: Fara Íslendingar í rúmið hver með öðrum án þess að þekkjast?
Fókus
Í gær

Vikan á Instagram – „Rændur af öpum í dag, í alvöru hversu sætir?“

Vikan á Instagram – „Rændur af öpum í dag, í alvöru hversu sætir?“
Fókus
Fyrir 2 dögum

11. september á Keflavíkurflugvelli

11. september á Keflavíkurflugvelli
Fókus
Fyrir 3 dögum

Simmi ekki lengur einhleypur

Simmi ekki lengur einhleypur