Óhætt er að segja að fjörugar umræður hafi farið fram á Twitter-síðu tónlistarmannsins Valdimars Guðmundssonar á dögunum. Valdimar varpaði fram heldur harðorðri fullyrðingu þegar hann sagði orðrétt: „Versta fólkið er fólkið sem hallar sætinu sínu alveg aftur í pakkaðri flugvél.“

Það getur verið þægilegt að halla sætinu aftur þegar farið er í flug, en það virðast ekki allir vera þeirrar skoðunar að þetta sé í lagi. Hér að neðan má sjá umræðuna og er óhætt að segja að skoðanir á þessu séu skiptar:

Hér má sjá færslu Valdimars og umræðurnar sem fylgdu:

Versta fólkið er fólkið sem hallar sætinu sínu alveg aftur í pakkaðri flugvél.

— Valdimar Guðmundsson (@ValdiMumma) July 28, 2018

Johannes Gutenberg var fyrstur til að svara og skiptust hann og Valdimar á nokkrum orðum:

Hver er samt reglan? Ef það er manneskja fyrir aftan þá er annaðhvort í lagi að halla sér eða ekki.

— Johannes Gutenberg (@JGutterberg) July 28, 2018

Hjartanlega sammála.

— Johannes Gutenberg (@JGutterberg) July 28, 2018

Óskar blandaði sér svo í umræðuna og mótmælti:

Reyni samt að gera það í sátt og samlyndi við samferðamenn mína

— Oskar Arngrimsson (@oskarzowie) July 29, 2018

Jájá, allt í góðu ef þú spyrð fyrst.

— Valdimar Guðmundsson (@ValdiMumma) July 29, 2018

Stefán kom svo með lausn á þessum vanda:

Manneskjan fyrir aftan getur bara líka hallað sætinu. Problem solved.

— Stefán Arason (@stebbi85) July 29, 2018

Sverrir var nú ekki alveg sammála því:

Engan veginn. Með því að halla fríar þú ekki pláss fyrir lappirnar á þér. Það algjörlega rústar fluginu fyrir lappalangri manneskju ef sætið fyrir framan hallar

— Sverrir Rolf Sander (@sverrirs) July 29, 2018

Góður punktur. Lappastutti maðurinn ég hugsaði ekki um það vandamál. ?

— Stefán Arason (@stebbi85) July 31, 2018

Pétur biður bara um eitt:

Berum virðingu fyrir stóra manninum í flugvélum

— Pétur Bjarnason (@peturbjarnason) July 29, 2018

Steinunn, betur þekkt undir listamannsnefninu dj. flugvél og geimskip lærði eitthvað nýtt í umræðunum:

Hahaha vá! Ég hef aldrey pælt í þessu! Hélt bara að allir hölluðu sætinu sínu til að leggja sig og að það væri allt í góðu!? Þarna lærði ég (164cm) eitthvað nýtt. Ætla að hætta að halla sætinu héðan í frá…?

— dj. flugvél og geimskip (@eldflaug) July 30, 2018

 Dvergar eða ekki dvergar?

Ég er 156cm og alltaf með nægt fótapláss.. sjálfri finnst mér þetta óþolandi.. og ég algjörlega neita þeirri staðhæfingu að lávaxið fólk þurfi alltaf að halla sætinu alveg aftur.. og við erum ekki dvergar..

— Hildur Helgadóttir (@grildur) July 29, 2018

Urður vill fá að halla sætinu sínu og njóta:

En bíddu.. Afhverju er þá hægt að halla sætum í flugvélum? Það eina sem gerir lífið bærilegt í flugvél er að kveikja á viftunni, kveikja ljósið og halla sætinu. Maður er að kaupa rándýrt sæti, þá gerir maður það sem maður getur til að njóta…

— Urður Ómarsdóttir (@UOmarsdottir) July 31, 2018

Valdimar skellti svo í aðra færslu þar sem hann kveðst ekki hafa áttað sig á því að fyrri færslan myndi vekja svona mikil viðbrögð:

Vá, ég vissi ekki að þetta væri svona hot take. Ég hefði kannski mátt orða þetta betur. Mér finnst beisik kurteisi þegar maður er í flugvél sem er stappfull að tékka á manneskjunni fyrir aftan sig áður en maður hallar sætinu alveg aftur.

Hér er annað hot take: Hvolpar eru sætir.

— Valdimar Guðmundsson (@ValdiMumma) July 31, 2018

Það er ekki úr vegi að spyrja þig, lesandi góður, hvort þú sért sammála eða ósammála Valdimar? Þarf að biðja um leyfi áður en sætinu er hallað eða er það til of mikils ætlast?