Meðfylgjandi myndskeið gerir einstaklingum kleift að komast eins nálægt því og hægt era ð upplifa náttúrufegurð Íslands, án þess að stíga hingað fæti. Um er að ræða svokallað 360 gráðu myndskeið sem tekið er upp með sérstakri myndavél og gerir áhorfandanum kleift að skoða öll möguleg sjónarhorn innan rammans.
Blaðamenn The New York Times, þau Jada Yuan og Luxas Peterson ferðuðust um landið og stoppuðu á helstu ferðamannastöðunum. Tvíeykið heimsækir meðal annars Seljalandsfoss og Hofsós auk þess sem þau kanna næturlífið í höfuðborginni, skella sér í útreiðartúr í Skagafirði og bragða á „einni með öllu.“ Upplifun áhorfenda er líkt og þeir séu þriðji einstaklingurinn á þessu ferðalagi og séu að ferðast um náttúruperlur Íslands í eigin persónu. Sjón er sögu ríkari.