Blaðamaður DV, Björn Þorfinnsson er þessa stundina staddur á veitingastað. Þar tók hann myndina úr leyni sem fylgir þessum mola, (því þetta er ekki frétt). Það er svo sem ekki í frásögur færandi að blaðamaður fái sér í gogginn og þá sérstaklega ekki sælkerinn Björn. Á myndinni má sjá einn af okkar ástsælustu söngvurum, Helga Björnsson ásamt einmana ferðamanni. Björn lýsir skemmtilegu atviki sem átti sér stað á Snaps á þessa leið:

„Falleg stund á Snaps. Erlendur einmanna ferðamaður sest við barborðið. Hann fær matseðil og fer umsvifalaust að spyrja sessunaut sinn út í hin ýmsu blæbrigði seðilsins. Þetta er eins og að ég myndi hlamma mér á veitingastað í Kensington-hverfi og spyrja Chris Martin hvort það sé fkn steinselja í einhverjum rétt. Munurinn er líklega sá að Martin myndi segja mér að hoppa upp í rassgatið mér en okkar maður, okkar dáðasti rigningarunnandi, tekur spurningum túristans vel.,“ segir Björn og bætir við að lokum: „Þeir eru búnir að fara yfir matseðilinn og eru núna á hörkuspjalli.“