Fókus

Margrét Friðriksdóttir tók persónuleikapróf DV og er Sema Erla „Hlýtur að vera brandari dagsins“

Ragna Gestsdóttir
Mánudaginn 30. júlí 2018 13:30

Á laugardag birti DV persónuleikaprófið „Hvaða umdeildi Íslendingur ert þú?“ þar sem svör lesenda við ákveðnum spurningum ráða því hvaða umdeilda Íslendingi þeir eiga helst samleið með í skoðunum.

Möguleikarnir eru nokkrir, þar á meðal: Biggi lögga, Gylfi Ægisson, Hildur Lilliendahl, Jón Valur Jensson, Margrét Friðriksdóttir, Pétur Gunnlaugsson og Sema Erla Serdar.

Margrét þreytti prófið í gær og kom niðurstaðan henni á óvart. Í stöðufærslu á DV skrifar hún: „Þetta hlýtur að vera brandari dagsins, ég er Sema Erla Serdar samkvæmt þessu persónuleikaprófi.“

Þá upplýsir Margrét að hún hafi tekið prófið aftur og þá hafi hún hakað við „öfgakenndar skoðanir eins og hommahatur“ sem skilaði þá þeirri niðurstöðu að hún væri hún sjálf.

Skrifar Margrét jafnframt að henni sýnist DV/Fókus vera með mikla fordóma og jafnvel gera henni upp skoðanir.

Líkt og allir vita sem fylgjast með þjóðfélagsumræðunni þá eru Margrét og Sema Erla fulltrúar gerólíkra lífsviðhorfa og stjórnmálaskoðana og hafa tekist oft harkalega á, ekki síst þegar málefni hælisleitenda og flóttafólks eru annars vegar. Sema Erla hefur beitt sér mjög í réttindabaráttu flóttafólks og fyrir bættum hag þeirra, þá sérstaklega sem formaður Solaris samtakanna, á meðan Margrét vill fara mjög varlega og varar við Múslimum og fjölmenningu.

Persónuleikaprófið sem er að sjálfsögðu til gamans gert, hefur vakið mikla umræðu meðal fólks á samfélagsmiðlum og hafa sumir jafnvel móðgast þegar þeir telja prófið ekki skila réttum einstaklingi sem niðurstöðu.

Prófið má taka hér. 

Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Kom alls staðar að lokuðum dyrum þegar hann leitaði sér hjálpar

Kom alls staðar að lokuðum dyrum þegar hann leitaði sér hjálpar
Fókus
Fyrir 2 dögum

TÍMAVÉLIN: Átti 56 eiginkonur og þráði gröfina

TÍMAVÉLIN: Átti 56 eiginkonur og þráði gröfina
Fókus
Fyrir 3 dögum

Íslenskir nasistar: Gitler rotaður á kolabingnum

Íslenskir nasistar: Gitler rotaður á kolabingnum
Fókus
Fyrir 3 dögum

Ævar Þór kynntist unnustunni á sviði: Ástin kviknaði við fjarveru Stebba Hilmars

Ævar Þór kynntist unnustunni á sviði: Ástin kviknaði við fjarveru Stebba Hilmars