Stórstjarnan Cher hafði ekkert val um að leika í framhaldsmyndinni Mamma Mia: Here We Go Again, sem margir hverjir bíða eftir með geysilegri eftirvæntingu.
Cher mætti sem gestur í spjallþátt Graham Norton á dögunum þegar var hún spurð hvort það hefði þurft að ganga á eftir henni vegna hlutverksins. Þá kom hún með einfalt svar: „Umboðsmaðurinn minn hringdi í mig og sagði „Þú ert í nýju Mamma Mia!“ og skellti svo beint á. Ég hafði í rauninni ekkert val.“
Cher minntist einnig á þá kostulegu staðreynd að hún væri aðeins fjórum árum eldri en dóttir hennar í myndinni, sem er að sjálfsögðu leikin af Meryl Streep.
Bætti hún við að það ylli henni engum áhyggjum. „Það er algjörlega í fínu lagi, bara töff,“ segir hún. „Ég myndi aldrei finna betra tækifæri til þess að læra af Meryl Streep, þrátt fyrir að sé varla hægt að læra það sem hún gerir.“
Með helstu hlutverk framhaldsins fer kunnuglegi leikhópur fyrri myndarinnar en við hann bætist meðal annars Lily James, Jeremy Irvine, Hugh Skinner auk Cher.
Myndin er frumsýnd 18. júlí.