Laugardaginn 21 júlí mun Bandaríski raftónlistarmaðurinn og plötusnúðurinn Charles Duff, betur þekktur sem MATRIXXMAN, spila á skemmtistaðnum Húrra í Reykjavík.
MATRIXXMAN skaust upp á techno himininn árið 2015 með plötunni „Homesick“ á útgáfufyrirtækinu Ghostly International. Í kjölfarið varð hann fastaplötusnúður á einum frægasta raftónlistarklúbbi heims Berghain í Berlín ásamt því að útsetja nýjustu Depeche Mode plötuna “Spirit”.
MATRIXXMAN hefur vakið mikla athygli sem plötusnúður og þá einnig sem einn allra færasti techno útsetjari dagsins í dag.
Ásamt MATRIXXMAN koma fram raftónlistarmennirnir og plötusnúðarnir Exos og Lafontaine.
Dansveislan hefst kl. 22:00 og er frítt inn.