fbpx
Fókus

Á Kristín Soffía stærsta kött á Íslandi?

Auður Ösp
Mánudaginn 16. júlí 2018 18:28

Kristín Soffía og Herra Alex

„Það er gaman að sjá svona falleg viðbrögð. Við sögðum honum að hann væri orðinn internetstjarna. Honum er alveg sama,“ segir Kristín Soffía Jónsdóttir borgarfulltrúi og eigandi Maine Coon kattarins Sir Alex sem víða vekur athygli fyrir glæsileika og stærð. Sumir vilja jafnvel líkja honum við lítið hvítt ljón, eða þá ísbjörn. Sjálfur kippir hann sér þó lítið upp við athyglina.

Kristín Soffía birti á dögunum meðfylgjandi ljósmynd af sér og Sir Alex inni á facebookhópnum Spottaði Kött og hefur færslan vakið mikla lukku.

Í stuttu spjalli við Fókus segist Kristín í raun lítið hafa pælt í stærð Sir Alex og ekki áttað sig almennilega á stærðinni fyrr en hún sá viðbrögð fólks á facebook.

„Við áttum okkur ekkert á því hvað hann er stór, hann er bara Alex. Það var aðallega bara  fyndið að sjá þessa mynd og átta mig sjálf á stærðinni. Vinkona okkar bað um svona mynd til að senda manninum sínum. Okkur hálf brá satt að segja!“

Sir Alex verður fjögurra ára í október en aðspurð um þyngdina segist Kristín skjóta á rúmlega níu kíló. Alex er ekki aðeins glæsiköttur heldur er hann líka heilmikill karakter.

„Hann er krefjandi, þarf mikla athygli en gefur líka mikið af sér. Hann talar mjög mikið og hátt og er mikill kúrari. Hann er frekar klaufskur og með frekar lítið hjarta og hræðist hávaða og allt óvænt,“

segir Kristín og bætir við að þó að Alex sé inniköttur sé hann þegar orðinn þekktur á meðal íbúa í hverfinu, enda tekur hann sér reglulega stöðu úti í glugga og fylgist grannt með mannlífinu.

Auður Ösp
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 20 klukkutímum

Hálendi Íslands eins og þú hefur aldrei séð það áður – Stórbrotið myndband Ólafs Más

Hálendi Íslands eins og þú hefur aldrei séð það áður – Stórbrotið myndband Ólafs Más
Fókus
Fyrir 22 klukkutímum

Elsa hannar jólafrímerkin í ár – Gefa frá sér piparkökuilm

Elsa hannar jólafrímerkin í ár – Gefa frá sér piparkökuilm
Fókus
Fyrir 2 dögum

Gyða gefur út Evolution – Útgáfutónleikar og Airwaves

Gyða gefur út Evolution – Útgáfutónleikar og Airwaves
Fókus
Fyrir 2 dögum

Stjörnumerkin og fatastíll: Rísandi sporðdreki – POW

Stjörnumerkin og fatastíll: Rísandi sporðdreki – POW