Argentínska sjónvarpskonan og fyrirsætan Bárbara Córdoba segir frá því í argentínskum fjölmiðlum að hún hafi hitt Rúrik Gíslason, landsliðsmann, á Miami á dögunum. Það er Vísir.is sem greinir frá þessu en haft er eftir Córdoba í argentíska miðilinum Clarín að kynni þeirra Rúriks hafi verið afar ánægjuleg. Hún segir þau hafi skipst á símanúmerum og seinna farið út að borða í borginni.
Rúrik var spurður út í Córdoba í Brennslunni á FM957 í morgun. Þar vildi Rúrik gera sem minnst úr málinu en viðurkennir að hafa hitta hana. „Jú, ég hitti á hana. Ég held að þetta sé sprottið þannig að ég var í sundlauginni og hún fékk mynd af sér,,“ sagði Rúrik í Brennslunni í morgun.
Í viðtalinu í Clarín segir Córdoba frá kynnum þeirra. „Við byrjuðum að senda hvort öðru skilaboð svo fórum við út að borða saman og eyddum deginum saman,“ segir Córdoba.
https://www.instagram.com/p/Bg2GotYHWv2/?hl=en&taken-by=barbiemuriel
