Aðeins örfáum mínútum eftir að hún ók úr hlaðinu hjá bílaleigunni missti hún alla stjórn á bílnum, keyrði beint inn í grindverk og yfir á næsta vegarhelming.
Sem betur fer slasaðist ökumaðurinn ekki alvarlega en eins og sjá má á eftirfarandi myndskeiði var bíllinn nánast gereyðilagður og erfitt að ímynda sér hversu mikið það hefur kostað að gera við hann.
Á fyrstu sekúndum myndskeiðsins má sjá upptöku þar sem konan segir það ólýsanlega tilfinningu að aka Ferrari í fyrsta sinn.
Síðar í myndskeiðinu má heyra aðkomendur velta sér upp úr því hvort karl eða kona hafi setið undir stýri.
Slysið átti sér stað í borginni Wenling í Kína.