Fókus

Myndlistarsýning með listviðburðum við Strandstíginn í Sjálandshverfi: Garðabærinn á sumarsólstöðum

Margrét Gústavsdóttir
Þriðjudaginn 12. júní 2018 09:57

Sumarsólstöður nálgast en fimmtudaginn 21. júní kl. 19.30-22 verður Jónsmessugleði Grósku haldin í tíunda sinn við Strandstíginn í Sjálandshverfi Garðabæjar.

Jónsmessugleði Grósku á 10 ára afmæli og verða fjölbreytt listaverk til sýnis í töfrandi umhverfi ylstrandar með útsýni yfir hafið.

Sýnendur eru um 40 talsins og hafa sjaldan verið fleiri enda hafa gestalistamenn í boði Grósku flykkst hvaðanæva af landinu til að taka þátt í Jónsmessugleði. Málverk á striga eru strengd milli staura og innsetningar ljá sýningunni sérstæðan blæ.

Fjölmargir aðrir listviðburðir verða líka á dagskrá, svo sem söngur, tónlist og ýmis konar glens og gaman.

Ungir sem aldnir láta ljós sitt skína enda er Jónsmessugleði fyrir fólk á öllum aldri. Einnig býður Gróska upp á veitingar og búast má við fjörlegu kvöldi.

Líf í tuskum

Myndlistarmennirnir vinna nefnilega að þessu sinni með þemað: „Líf í tuskunum“.

Að venju lýkur Jónsmessugleði Grósku svo með gjörningi kl. 22 sem vafalaust mun koma skemmtilega á óvart.

Gróska, félag myndlistarmanna í Garðabæ, stendur fyrir Jónsmessugleði í samstarfi við Garðabæ og hefur boðið myndlistarfélögum frá öðrum bæjarfélögum til leiks með sér.

Einkunnarorð Jónsmessugleði Grósku eru: gefum, gleðjum og njótum og í þeim anda gefa allir listamennirnir vinnu sína þetta kvöld.

Tíunda árið í röð

Jónsmessugleði er stærsta sýning Grósku og var haldin í fyrsta skipti árið 2009.

Gróska var í raun formlega stofnuð upp úr því.

Síðan hefur Jónsmessugleði verið árviss viðburður sem hefur vaxið og dafnað með Grósku sjálfri og er áætlað að um 10 þúsund manns hafi mætt þegar fjölmennast var.

Allir eru velkomnir á Jónsmessugleði Grósku, Garðbæingar jafnt sem aðrir.

Fólk er hvatt til að fjölmenna og gera einkunnarorð Jónsmessugleðinnar að sínum með því að gefa, gleðja og njóta.

Smellið HÉR til að melda ykkur í viðburðinn á Facebook

 

 

 

Margrét Gústavsdóttir
....er félagi nr. 241 hjá Blaðamannafélagi Íslands.
Hún hefur m.a. starfað við sjónvarp og útvarp og verið vinsæll bloggari í gegnum árin. Margrét nam sálfræði og forritun Kaupmannahöfn á þeim árum þegar tæknisinnaðir voru með símboða í beltinu og farsíminn vó sirka 450 grömm en lífsspeki hennar rammast í setningunni:

„Mart smart gerir eitt lekkert.“

margret@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 5 dögum

Árið er 1998 – Svona bjuggu þær Carrie, Samantha, Miranda og Charlotte: 90’s lúkk og litir fyrir allann peninginn

Árið er 1998 – Svona bjuggu þær Carrie, Samantha, Miranda og Charlotte: 90’s lúkk og litir fyrir allann peninginn
Fókus
Fyrir 5 dögum

Glamour velur topp 24 kynþokkafyllstu knattspyrnumennina á HM: Rúrik og Ragnar sjá um að hækka hitastigið

Glamour velur topp 24 kynþokkafyllstu knattspyrnumennina á HM: Rúrik og Ragnar sjá um að hækka hitastigið
Fókus
Fyrir 6 dögum

Lauga (30) og Árni (28) á Torfastöðum: „Bændur eru bændum verstir“

Lauga (30) og Árni (28) á Torfastöðum: „Bændur eru bændum verstir“
Fókus
Fyrir 6 dögum

Íslenska karlalandsliðið – MYNDIR: Hrikalega flottir í sérsaumuðum jakkafötum en mættu vinna betur með bindishnútana

Íslenska karlalandsliðið – MYNDIR: Hrikalega flottir í sérsaumuðum jakkafötum en mættu vinna betur með bindishnútana
Fókus
Fyrir 6 dögum

BÓKMENNTIR: Svikaskáldin fimm senda frá sér fagnaðarsöngva á morgun

BÓKMENNTIR: Svikaskáldin fimm senda frá sér fagnaðarsöngva á morgun
Fókus
Fyrir 6 dögum

TÍMAVÉLIN: Sexfætt lamb fæddist í Eyjafirði – Gat hvorki gengið né tekið spena

TÍMAVÉLIN: Sexfætt lamb fæddist í Eyjafirði – Gat hvorki gengið né tekið spena