Nefndin sem stendur á bakvið Óskarsverðlaunin hefur hingað til aðeins vísað fjórum aðilum hefur verið vísað úr akademíunni í þau 91 ár sem hún hefur starfað.
Í yfirlýsingu segist stjórnin vilja hvetja félagsmenn sína til að virða siðferðislega staðla nefndarinnar, en þessar fréttir komu í ljósi þess að Cosby var fundinn sekur um að hafa misnotað og gefið Andreu Constand eiturlyf á heimili sínu árið 2004, – en hún var ein sextíu kvenna sem stigu fram með sambærilega sögu.
„Mælirinn þótti fullur hjá meðlimum akademíunnar“
Leikstjórinn Polanski hafði verið meðlimur akademíunnar í áraraðir en er enn eftirlýstur af yfirvöldum í Kaliforníu fyrir að hafa átt samræði við þrettán ára stúlku árið 1977.
Leikstjórinn hefur alla tið haldið því fram að hann hafi ekki nauðgað stúlkunni. Hann var fyrst dæmdur til 90 daga geðmeðferðar í bandarísku ríkisfangelsi en var útskrifaður eftir 42 daga.
Í kjölfarið lagði dómari í málinu á ráð um að dæma Polanski til frekari refsingar en leiddi það til þess að leikstjórinn flúði land til Parísar og hefur ekki snúið aftur til Bandaríkjanna síðan.
Mælirinn þótti skyndilega fullur hjá meðlimum akademíunnar og líða þau ekki aðkomu hans né tengingu lengur.
Cosby og Polanski eru þar með komnir í hóp með framleiðandanum Harvey Weinstein, sem var einnig rekinn úr stjórninni í haust en Weinstein-málið átti hlut í því að koma af stað #MeToo byltingunni.
Leikarinn Carmine Caridi var sá fyrsti til að hljóta brottrekstur eftir að hafa lánað út eintök af kvikmyndum sem höfðu verið tilnefndar til verðlaunanna árið 2004.