Veislulist er öflugt fjölskyldufyrirtæki sem sinnir veislum af öllum stærðum og gerðum. Veislulist er í eigu þriggja bræðra en þeir eru Birgir Arnar, Sigurpáll Örn og Ómar Már Birgissynir.
Meðal þess sem Veislulist býður upp á er fjölbreyttur pinnamatur, tapas, smurbrauð, kökuhlaðborð og steikarhlaðborð. Fyrirtækið veitir mjög sérhæfða veitingaþjónustu fyrir þá sem það kjósa en býður einnig upp á staðlaða og vel tilgreinda kosti sem margir nýta sér óbreytta.
Veislulist sér meðal annars um veitingar fyrir erfidrykkjur af öllum stærðum, í heimahúsum eða veislusölum, hvort sem er kaffihlaðborð eða léttar veitingar sem henta í standandi veislur. Á heimasíðu fyrirtækisins, veislulist.is, má finna ítarlegar upplýsingar um úrval veisluborða og verð. Meðal rétta eru marsípantertur, rjómatertur, heimabökuð gulrótarterta, súkkulaðiterta, marengsterta, eplaterta, kaffisnittur, flatkökur, heitir brauðréttir, pönnukökur, brauðtertur og margt fleira.
Einnig er í boði pinnamatur, léttur hádegisverður og matarmiklar súpur. Slíkum réttum geta síðan fylgt tertur í eftirrétti, ávaxtabakkar og margt fleira.
Þeir bræður sýna mikinn sveigjanleika varðandi það ef veislur eru pantaðar með mjög litlum fyrirvara og reyna alltaf að uppfylla óskir fólks. Þeir mæla samt með því að fólk hafi samband með góðum fyrirvara en algengast er að veislur séu pantaðar með nokkurra daga fyrirvara.
„Fólk ætlar oft að sjá um veitingarnar sjálft en brennur síðan inni á tíma vegna anna og áttar sig á því að það mun ekki ráða við þetta tímanlega. Þá hefur það samband við okkur og við reynum alltaf að bjarga málunum,“ segir Sigurpáll. Hann bætir hins vegar við að oft geri fólk hluta af veitingunum sjálft en Veislulist komi með það sem upp á vantar og jafnan gengur sú samvinna með ágætum:
„Þá förum við gjarnan yfir það hvað fólk ætlar að vera með svo við getum leiðbeint því með hvað hentar og hvað hentar ekki, hvað fer vel saman og svo framvegis.“
Allar nánari upplýsingar eru veittar í síma 555-1810, á vefsíðunni veislulist.is og einnig hægt að senda fyrirspurnir á netfangið info@veislulist.is.