fbpx
Miðvikudagur 20.febrúar 2019
Fókus

Samtalið á Klaustri leiklesið í Borgarleikhúsinu – Landsþekktar leikkonur leiklesa karlmennina

Ragna Gestsdóttir
Mánudaginn 3. desember 2018 11:30

Ekki missa af Helstu tíðindum dagsins í pósthólfið þitt

Lesa nánar

Í kvöld kl. 20.30 mun leikhópur Borgarleikhússins leiklesa hluta úr samtali þingmanna á veitingastaðnum Klaustri. Eins og flestir vita var samtal þeirra tekið upp og hafa fjölmiðlar, þar á meðal DV, birt innihald þess síðustu daga, en DV var á meðal þriggja fjölmiðla sem fékk upptökurnar sendar. Bergur Þór Ingólfsson leikstýrir verkinu.

„Eitt af meginhlutverkum leikhússins er að varpa ljósi á málefni líðandi stundar. Með þessum viðburði leitast leikhúsið við að skoða ábyrgð og orðræðu kjörinna fulltrúa í lýðræðislegu samhengi,“ segir í tilkynningu frá Borgarleikhúsinu.

Samtalið sem tekið var upp er á milli fjögurra þingmanna Miðflokksins, Gunnars Braga Sveinssonar, Sigmundar Davíðs Gunnlaugssonar, Bergþórs Ólasonar og Önnu Kolbrúnar Árnadóttur, við þingmenn Flokks fólksins, Karl Gauta Hjaltason og Ólafur Ísleifsson.

Viðburðurinn, sem verður á Litla sviði leikhússins, er öllum opinn og aðgangur ókeypis.

Ef salurinn fyllist verður leiklestrinu einnig streymt í forsal leikhússins. Auk þess verður hægt að fylgjast með því streymi á netinu og verða upplýsingar um það birtar síðar. Húsið mun opna kl. 20.00 og er fólk hvatt til að mæta tímanlega, en verkið mun standa yfir í um klukkustund.

Í viðtali við Vísi segir Kristín Eysteinsdóttir, leikhússtjóri Borgarleikhússins að þetta hafi áður verið gert í tengslum við Rannsóknarskýrslu Alþingis og Guð blessi Ísland.

„Okkur fannst viðeigandi að fá konur til að leiklesa karlmennina í samtalinu, sem varpar öðru ljósi á alvarleika orðanna sem þarna koma fram,“ og eru það Brynhildur Guðjónsdóttir, Unnur Ösp Stefánsdóttir, Sigrún Edda Björnsdóttir, Þuríður Blær Jóhannsdóttir, og Þórunn Arna Kristjánsdóttir sem tala fyrir karlmennina og síðan mun leikarinn Hilmar Guðjónsson tala fyrir Önnu Kolbrúnu Árnadóttur.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Logi: „Af hverju getur Ólafur Darri ekki bara sagt að ég sé frábær?“

Logi: „Af hverju getur Ólafur Darri ekki bara sagt að ég sé frábær?“
Fókus
Í gær

Vinsælasta YouTube-stjarna heims gerist Íslandsvinur: „Vá hvað þetta er flott útsýni… nei, gleymið þessu“ – Sjáðu myndbandið

Vinsælasta YouTube-stjarna heims gerist Íslandsvinur: „Vá hvað þetta er flott útsýni… nei, gleymið þessu“ – Sjáðu myndbandið
Fókus
Fyrir 2 dögum

Daði og Árný eiga von á barni: „Bumbulína í skíðaferð“

Daði og Árný eiga von á barni: „Bumbulína í skíðaferð“
Fókus
Fyrir 2 dögum

Hlustaðu á Þórdísi taka ljúfa útgáfu af Hatara: „Þetta er það fyndnasta sem ég hef séð á ævinni“‏

Hlustaðu á Þórdísi taka ljúfa útgáfu af Hatara: „Þetta er það fyndnasta sem ég hef séð á ævinni“‏