Jón Axel Egilsson kvikmyndagerðarmaður fékk árið 1993 styrk frá Evrópska kvikmyndasjóðnum CARTOON til að þróa persónur í teiknimynd í fullri lengd.
Árið 1994 veitti Kvikmyndasjóður styrk til kynningar á verkinu sem kynnt var í Osló árið 1996, síðan í Annecy árið 1998 og í San Sebastian árið eftir, en evrópskir framleiðendur réðu ekki við verkið, það þótti of stórt.
Jón Axel tók sig þá til og skrifaði bók í hjáverkum upp úr handritinu og öllu efninu sem hann hafði sankað að sér. Það tók hann 20 ár. Óðinsauga gefur bókina út núna fyrir jólin. Hún heitir Föruneyti Signýjar
Þegar styrkur er veittur er eintaki yfirleitt skilað inn til Kvikmyndamiðstöðvar og Kvikmyndasjóðs og Jóni Axeli fannst það skylda sín að skila eintaki af bókinni til viðkomandi aðila.