fbpx
Sunnudagur 20.janúar 2019
Fókus

Flateyjargátan tilnefnd fyrir besta handritið

Ragna Gestsdóttir
Fimmtudaginn 20. desember 2018 11:00

Margrét Örnólfsdóttir Mynd: Yrsa Roca Fannberg

Margrét Örnólfsdóttir hefur verið tilnefnd til Nordisk Film- og TV Fond-verðlaunanna á alþjóðlegu kvikmyndahátíðinni í Gautaborg í ár, fyrir besta handritið í flokki sjónvarpsþáttaraða á Norðurlöndum fyrir handritið að Flateyjargátunni.

Margrét hefur undanfarin ár skrifað handritin að mörgum af vinsælustu sjónvarpsþáttum landsins. Þetta er þriðja árið í röð sem Nordisk Film og TV Fond veita verðlaun fyrir framúrskarandi handrit.

Sigurvegarinn verður tilkynntur við hátíðlega athöfn á alþjóðlegu kvikmyndahátíðinni í Gautaborg 30. janúar 2019.

Dómnefndina í ár skipa finnska leikkonan Laura Birn, sænski leikarinn Alexander Karim, blaðamaðurinn og framleiðandinn Christina Jeurling Birro og breski ráðgjafinn og framleiðandinn Justin Judd.

Flateyjargátan er leikstýrð af Birni B. Björnssyni og framleidd af Reykjavík Films og Sagafilm. Þáttaröðin var frumsýnd á RÚV í nóvember og hafa þættirnir þegar verið seldir til allra norðurlandanna. Sky Vision er dreifingaraðili Flateyjargátunnar á heimsvísu.

Um Flateyjargátuna: Árið 1971 ferðast Jóhanna á æskuslóðir sínar í Flatey til þess að ganga frá málum eftir andlát föður síns. Hún tekur upp þráðinn við rannsókn hans á Flateyjargátunni, gátu sem tengist Flateyjarbók og hefur verið óleyst í 600 ár. Við rannsóknir sínar flækist hún í morðmál og neyðist til þess að takast á við drauga fortíðar til þess að sanna sakleysi sitt.

Hér má sjá aðrar tilnefningar.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Guðmundur Ingi slær (aftur) í gegn í norskum auglýsingum

Guðmundur Ingi slær (aftur) í gegn í norskum auglýsingum
Fókus
Fyrir 2 dögum

Heimir Karls – „Framvegis ætla ég að faðma fólk eða „olnboga“

Heimir Karls – „Framvegis ætla ég að faðma fólk eða „olnboga“
Fókus
Fyrir 3 dögum

Lumar þú á handriti að barnabók? Handritaskil fyrir Íslensku barnabókaverðlaunin standa nú yfir

Lumar þú á handriti að barnabók? Handritaskil fyrir Íslensku barnabókaverðlaunin standa nú yfir
Fókus
Fyrir 3 dögum

Cardi B og City Girls gefa út myndband við Twerk og það er gjörsamlega truflað!

Cardi B og City Girls gefa út myndband við Twerk og það er gjörsamlega truflað!
Fókus
Fyrir 4 dögum

The Cranberries heiðra minningu Dolores O´Riordan með nýju lagi

The Cranberries heiðra minningu Dolores O´Riordan með nýju lagi
Fókus
Fyrir 4 dögum

Netflix stefnt vegna Black Mirror Bandersnatch

Netflix stefnt vegna Black Mirror Bandersnatch