Í dag kl. 17 koma saman nokkrir ungir og upprennandi höfundar og kynna verk sín, sem samanlagt spanna flestar stefnur fagurbókmenntanna. Upplesturinn er í samstarfi við Borgarbókasafnið og fer fram í Grófarhúsi, Tryggvagötu 15.
Þar koma fram:
Birgitta Björg Guðmarsdóttir, sem nýlega gaf út sína fyrstu skáldsögu, Skotheld
Eyþór Gylfason, sem kynnir nýútgefna ljóðabók sína, Hvítt suð
Tanja Rasmussen, með nóvelluna Undir yfirborðinu
Þórdís Helgadóttir með nýútkomið smásagnasafn sitt, Keisaramörgæsir
Sjöfn Hauksdóttir með ljóðabókina Ceci n´est pas une
Hörður Steingrímsson með ljóðabókina Blik
Ægir Þór Jähnke, með ljóðabók sína Ódýrir endahnútar
Í boði verða léttar veitingar á meðan lestri stendur og geta áhugasamir keypt bækur og fengið þær áritaðar af höfundum á staðnum.
Hvetjum sem flesta til að mæta, hlýða á, og styðja gott framtak.
Þess má einnig geta að upplesturinn verður hljóðritaður fyrir Ríkisútvarpið.