Í gær kom út RÓMUR, fyrsta íslenska breiðskífan fyrir lýru og söng.
Á plötunni er að finna tónlist Ingu Bjarkar, sem hún syngur og leikur á lýru. Einstakur hljómur lýrunnar leiðir sköpunarferlið við gerð laga og texta Ingu Bjarkar, en hljóðfærið hefur algjöra sérstöðu í íslenskri tónlistarflóru.
Upptökur fóru fram í Stúdíó Bambus og voru í höndum Stefáns Arnar Gunnlaugssonar.
Útgáfu plötunnar verður fagnað með útgáfutónleikum í Fríkirkjunni Hafnarfirði þann 2. febrúar.
Plötuna er hægt að nálgast í 12 tónum og í Hljómu Hafnarfirði.