fbpx
Sunnudagur 20.janúar 2019
Fókus

Jodie Foster tekur við af Halldóru sem Halla – „Ég get ekki beðið eftir að leika hana“

Ragna Gestsdóttir
Mánudaginn 10. desember 2018 19:15

Tvöfaldi Óskarsverðlaunahafinn Jodie Foster mun leika, leikstýra og framleiða endurgerð myndarinnar Kona fer í stríð, verðlaunamynd Benedikts Erlingssonar, þar sem Halldóra Geirharðsdóttir fer á kostum í aðalhlutverkinu.

„Myndin heillaði mig meira en ég get lýst með orðum,“ segir Foster. „Ég er svo spennt að gera bandaríska endurgerð af myndinni, sem er bæði falleg og hvetjandi og á vel við umræðuna í dag. Halla berst fyrir jörðinni, sterk kona sem er tilbúin til að fórna öllu til að gera það eina rétta. En á þeirri vegferð lendir hún í ýmsum vandræðum.“

Kona fer í stríð er framlag Íslands til Óskarsverðlauna um bestu erlendu kvikmyndina. Myndin var frumsýnd á verðlaunahátíðinni í Cannes, þar sem Benedikt vann, ásamt Ólafi Agli Egilssyni, verðlaun fyrir besta handritið, í október fékk hún kvikmyndaverðlaun Norðurlandaráðs og í nóvember LUX-kvik­mynda­verðlaun Evr­ópuþings­ins.

Myndin verður sú fimmta sem Foster leikstýrir, en hún hefur ekki gefið út neinar upplýsingar um hvernig hún hyggst heimfæra Kona fer í stríð fyrir endurgerðina.

„Ég get ekki beðið eftir að leika hana,“ segir Foster. „Ég dregst að sterkri og skrítinni blöndu af húmor og tilfinningum. Það er heiður að taka við keflinu af hinum hæfileikaríka Benedikt Erlingssyni og meðframleiðanda hans, Marianne Slot.“ En Slot mun framleiða endurgerðina ásamt Foster.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Netflix kaupir dreifingarréttinn á Rétti í Þýskalandi, Frakklandi, Ítalíu, Spáni og Suður Ameríku

Netflix kaupir dreifingarréttinn á Rétti í Þýskalandi, Frakklandi, Ítalíu, Spáni og Suður Ameríku
Fókus
Í gær

Simmi kveður – „Það er gaman að skila góðu búi af sér“

Simmi kveður – „Það er gaman að skila góðu búi af sér“
Fókus
Fyrir 2 dögum

Ótrúleg breyting á Röggu nagla: Birti mynd af sér fyrir 10 árum – Sjáðu muninn

Ótrúleg breyting á Röggu nagla: Birti mynd af sér fyrir 10 árum – Sjáðu muninn
Fókus
Fyrir 2 dögum

Sveppi missti bróður sinn: „Þetta var hræðilegt og truflar mig ennþá daginn í dag“

Sveppi missti bróður sinn: „Þetta var hræðilegt og truflar mig ennþá daginn í dag“
Fókus
Fyrir 3 dögum

Hverjir eru með stærstu og smæstu typpin í Hollywood? – Sú ráðgáta er loksins leyst

Hverjir eru með stærstu og smæstu typpin í Hollywood? – Sú ráðgáta er loksins leyst
Fókus
Fyrir 3 dögum

Rúrik og Nathalia njóta lífsins saman

Rúrik og Nathalia njóta lífsins saman