Fókus

Tvískinnungur frumsýndur í kvöld

Ragna Gestsdóttir
Föstudaginn 9. nóvember 2018 15:00

Tví­skinnungur

Leikritið Tvískinnungur eftir Jón Magnús Arnarsson, verður frumsýnt á Litla sviði Borgarleikhússins í kvöld, föstudagskvöldið 9. nóvember.
Tvískinnungur er fyrsta leikrit Jóns Magnúsar og byggir skuggalega á lífi hans og reynslu þegar ábyrgðarleysi og almennt sinnuleysi réðu ferðinni.

Ofurhetjurnar Iron Man og Svarta ekkjan hittast í partýi; og ekki er augljóst hvort þar mætast óvinir eða elskendur. Tvískinnungur er einvígi tveggja. Þau stíga inn í hringinn vopnuð tungumáli sem særir og tælir. Haltu mér, slepptu mér… Rím, slangur, ný orð. Spenna, fiðringur og fegurð… Undir hálfrímuðum texta ljóðaslammsins kraumar ólgandi undiralda, tilfinninga og þráhyggju og djúp og einlæg tjáningarþrá. Það liggur allt undir í leit að sannleikanum áður en hann hverfur í grámóskuna.

Töfrar Litla sviðs Borgarleikhússins eru nýttir til hins ýtrasta í leikmynd, búningum, vídjói og lýsingu og ekki síst í leik sem liðast upp undir rjáfur leiksviðsins og það reynir hressilega á leikarana ungu, Þuríði Blævi Jóhannsdóttur og Harald Ara Stefánsson, bæði líkamlega og andlega.

Leikarar í sýningunni eru þau Haraldur Ari Stefánsson og Þuríður Blær Jóhannsdóttir. Leikstjóri er Ólafur Egill Egilsson og Vala Kristín Eiríksdóttir er aðstoðarleikstjóri.

Sigríður Sunna Reynisdóttir sér um leikmynd og búninga, Þórður Orri Pétursson um lýsingu, Young Nazareth, tónlist, Katrín Ingvadóttir, sviðshreyfingar, Margrét Benediktsdóttir, leikgervi, Garðar Borgþórsson, hljóðmynd og Elmar Þórarinsson, myndband.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Myndband dagsins: Rollur leituðu sér læknisaðstoðar á Eskifirði – Sjáðu myndbandið

Myndband dagsins: Rollur leituðu sér læknisaðstoðar á Eskifirði – Sjáðu myndbandið
Fókus
Í gær

JFDR hélt súkkulaðitónleika – Nýjasta platan kom út sem súkkulaðistykki

JFDR hélt súkkulaðitónleika – Nýjasta platan kom út sem súkkulaðistykki
Fókus
Í gær

Heimsþekktur leikari afgreiðir popp í Bíó Paradís – „Loksins er ég í alvöru starfi“

Heimsþekktur leikari afgreiðir popp í Bíó Paradís – „Loksins er ég í alvöru starfi“
Fókus
Í gær

Myndasögukóngurinn Stan Lee látinn

Myndasögukóngurinn Stan Lee látinn