fbpx
Laugardagur 15.desember 2018
Fókus

Karolina sigraði Bókaræmuna með örmynd byggðri á bók Stephen King

Ragna Gestsdóttir
Föstudaginn 9. nóvember 2018 16:30

Úrslit Bókaræmunnar voru tilkynnt í Bíó Paradís í gær.

Karolina Irena Niton bar sigur af hólmi með örmynd sinni IT sem byggð er á bókinni um trúðinn ógnvænlega eftir Stephen King. Karolina er fædd árið 2003 og er 15 ára gömul og fékk hún í verðlaun Lenovo spjaldtölvu frá Origo, 8.000 kr. inneign frá Nexus, tvær bækur frá Bókabeitunni, hamborgaramáltíð fyrir tvo á Hamborgarabúllunni, bíómiða fyrir tvo frá Laugarásbíói og Bíó Paradís. Þess má geta að í fyrra hreppti Karolina annað sætið á Bókaræmunni þegar hún gerði örmynd um Carrie eftir sama höfund.

Hulda Eir Sævarsdóttir, sem einnig er 15 ára, var í öðru sæti en hún gerði örmynd um bókina Violet og Finch eftir Jennifer Niven. Hulda fékk í verðlaun 6.000 kr. gjafabréf frá Nexus, tvær bækur frá Bókabeitunni, hamborgaramáltíð fyrir tvo á Hamborgarabúllunni, bíómiða fyrir tvo frá Laugarásbíói og Bíó Paradís.

Í þriðja sæti var örmynd eftir þá Eirík Atla Karlsson og Sigurð Skorra Arnalds, sem báðir eru 16 ára gamlir. Þeir sóttu innblástur í bókina Vertu ósýnilegur eftir Kristínu Helgu Gunnarsdóttur. Þeir fengu hamborgaramáltíð fyrir tvo á Hamborgarabúllunni. Einnig fengu þeir, hvor um sig, 4.000 kr. gjafabréf frá Nexus, tvær bækur frá Bókabeitunni og bíómiða fyrir tvo Laugarásbíó og Bíó Paradís.

Dómarar voru Stefán Máni rithöfundur, Karl Pálsson leikari og tæknimaður hjá KrakkaRúv og Guðrún Baldvinsdóttir verkefnastjóri á Borgarbókasafninu.

„Þessi bókaræma stendur undir nafni; áhrifamikil ræma byggð á eftirminnilegri bók. Bókin er sýnd en í stað orða eða upplesturs er myndmálið láta tala sínu máli. Hinn hrollvekjandi andi bókarinnar er fangaður með handheldri myndavél, einföldum en áhrifaríkum tæknibrellum og drungalegri hljóðrás. Þeir sem hafa lesið bókina endurupplifa gæsahúðina sem hún kallaði fram, og þeir sem enn eiga eftir að lesa hana hljóta að bæta úr því núna – ef þeir þora!,“ segir dómnefndin um sigurmyndina.

1.sæti: Karolina Irena Niton- IT eftir Stephen King

2.sæti: Hulda Eir Sævarsdóttir – Violet og Finch eftir Jennifer Niven

3.sæti: Eiríkur Atli Karlsson og Sigurður Skorri Arnalds

Vertu ósýnilegur eftir Kristínu Helgu Gunnarsdóttur

Bókaræman er örmyndakeppni um bækur þar sem ungt fólk á aldrinum 13-20 ára senda inn örmyndbönd (30-90 sekúndur) sem fanga umfjöllunarefni einnar bókar. Þátttakendur velja sjálfir bókina og aðferðin er frjáls. Veglegir vinningar eru í boði frá styrktaraðilum og árið 2018 voru það Origo, Hamborgarabúllan, Bókabeitan Nexus, Bíó Paradís og Laugarásbíó.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Snarlúkkar þessi kerra!
Fókus
Fyrir 22 klukkutímum

Ragga nagli komin með Heilsuvarp

Ragga nagli komin með Heilsuvarp
Fókus
Fyrir 23 klukkutímum

DV Tónlist : FM Belfast í beinni útsendingu kl. 13.00

DV Tónlist : FM Belfast í beinni útsendingu kl. 13.00
Fókus
Í gær

Allir gráta og Minningarsjóður Einars Darra færa leik- og grunnskólum kærleiksgjöf

Allir gráta og Minningarsjóður Einars Darra færa leik- og grunnskólum kærleiksgjöf
Fókus
Í gær

Frægir sem hata jólin – „Hvílík sóun á pappír!“

Frægir sem hata jólin – „Hvílík sóun á pappír!“
Fókus
Í gær

Dillon og Bulleit safna fyrir Geðhjálp og Rauða krossinn – Húðflúr gegn myrkrinu

Dillon og Bulleit safna fyrir Geðhjálp og Rauða krossinn – Húðflúr gegn myrkrinu
Fókus
Í gær

Tónlistarspekúlantar hafa fundið formúlu hins fullkomna jólasmells

Tónlistarspekúlantar hafa fundið formúlu hins fullkomna jólasmells
Fókus
Í gær

Hrafn var búinn að hringja um allt – Fann það sem hann vantaði á spottprís í Costco

Hrafn var búinn að hringja um allt – Fann það sem hann vantaði á spottprís í Costco
Fókus
Í gær

Ævar vísindamaður með Þína eigin auglýsingu – Sjáðu myndbandið

Ævar vísindamaður með Þína eigin auglýsingu – Sjáðu myndbandið