fbpx
Þriðjudagur 11.desember 2018
Fókus

Júníus Meyvant gerir útgáfusamning við Glassnote Records – Nýtt lag komið út

Ragna Gestsdóttir
Föstudaginn 9. nóvember 2018 17:00

Mynd: Sigríður Unnur Lúðvíksdóttir

Tónlistarmaðurinn Júníus Meyvant frá Vestmannaeyjum tilkynnti fyrr á þessu ári um útgáfu nýjustu plötu sinnar, „Across the Borders“ sem átti að koma út í dag, þann 9. Nóvember. Síðan þá hefur ýmislegt gerst og Júníus Meyvant hefur gert útgáfusamning við bandaríska útgáfufyrirtækið Glassnote Records um útgáfu plötunnar í Bandaríkjunum og öðrum markaðssvæðum sem útgáfan leggur mikla áherslu á.

Mynd: Sigga Ella

Júníus Meyvant, sem er á mála hjá íslenska útgáfufyrirtækinu Record Records, er mjög ánægður með þessa breytingu á Bandaríkjamarkaði þar sem hann telur sig hafa fundið gott heimili fyrir tónlistarsköpun sína. Record Records mun áfram sinna útgáfumálum Júníusar hér á Íslandi sem og allri Evrópu. Vegna samningsins við Glassnote var tekin sú erfiða ákvörðun að fresta útgáfu plötunnar til 25. janúar 2019.

Þrátt fyrir seinkunina fáum við að heyra nýtt lag í dag en Júníus sendi frá sér enn einn slagarann af væntanlegri plötu sinni í dag og er það lagið Let It Pass.

Júníus Meyvant kemur fram á Iceland Airwaves tónlistarhátíðinni sem fer fram í Reykjavík þessa dagana og frumflytur þar efni af nýju plötunni í Gamla Bíói á laugardagskvöld kl. 22.40.

Um Júníus Meyvant 

Tónlistarmaðurinn og Vestmanneyingurinn Unnar Gísli Sigurmundsson hefur samið og gefið út tónlist sem Júníus Meyvant í allnokkur ár.

Unnar ólst upp á heimili á Heimaey þar sem trú og tónlist var í hávegum höfð og náttúran í eynni var leikvöllur hans á uppvaxtarárunum.  Sem ungur drengur varði hann mestum tíma sínum í að gera kúnstir á hjólabretti og mála myndir til þess að fá sína útrás.  Snemma varð ljóst að Unnar væri orkumikið barn og á köflum sérvitur og hafði mikla þörf til þess að tjá sig.  Reglulega átti hann samtal við sjálfan sig um hvort hann ætti að beina orkunni í átt að tónlist en hvatvísi hans og frjáls hegðun olli því að honum var vísað úr tónlistarskóla.  Á unglingsárum voru allir draumar hans um að verða tónlistarmaður víðs fjarri og orka hans fór í aðra hluti.

Um tvítugt byrjaði Unnar að glamra á útjaskaðan gítar sem hann fann á heimili foreldra sinna.  Loksins fann hann sína réttu fjöl með gítarspilinu sem hjálpaði honum að róa ólguna innra með sér og smám saman jókst næmni hans fyrir lagasmíðum og fallegum laglínum.  Sköpunarkrafturinn fór á flug og um árabil spilaði Unnar með hljómsveit sem fullnægði ekki þörfum hans og ákvað hann að gera sína eigin tónlist undir nafninu Júníus Meyvant.

Þjóðlagatónlist Júníusar Meyvant er hjartnæm, hlý og kunnuleg og er hinn óheflaði Unnar skammt undan.   Hljóðheimur Júníusar er stór og samansettur af mjúkri rödd, lokkandi gítarspili, þéttum hrynjanda, lúðrablæstri, hljómborðum og mellotron.   Þá Sam Cooke, Charles Bradley, The Rolling Stones og fleiri telur Unnar sem sína áhrifavalda sem nú hefur gefið út eina breiðskífu og eina þröngskífu.

Árið 2014 gaf Unnar út fyrstu smáskífu sína, Color Decay, hjá Record Records.   Smáskífan hitti strax í mark á Íslandi og hlaut sömuleiðis lof hjá erlendum miðlum á borð við KEXP, NPR og Gaffa.  Ári seinna hlaut Unnar íslensku tónlistarverðlaunin fyrir bestu smáskífuna og nýliða ársins.  Með góðan meðbyr í farteskinu fóru Júníus og meðspilarar hans í vel heppnaðar tónleikaferðir til Evrópu og Bandaríkjanna sem innihéldu tónleika á Hróaskeldu og Bumbershoot í Seattle.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 21 klukkutímum

Leikdómur: Rejúníon- „Marglaga verk um lífið“

Leikdómur: Rejúníon- „Marglaga verk um lífið“
Fókus
Fyrir 22 klukkutímum

Berglind Festival fer yfir jólaundirbúninginn – „Ég myndi aldrei borða KFC á aðfangadag“

Berglind Festival fer yfir jólaundirbúninginn – „Ég myndi aldrei borða KFC á aðfangadag“
Fókus
Í gær

Linda Pé var dómari í Ungfrú Heimur 2018

Linda Pé var dómari í Ungfrú Heimur 2018
Fókus
Í gær

Margir minnast Einars Darra: „Hann var með bros sem lýsti upp allt í kringum hann“

Margir minnast Einars Darra: „Hann var með bros sem lýsti upp allt í kringum hann“
Fókus
Í gær

DV Tónlist á föstudaginn : FM BELFAST

DV Tónlist á föstudaginn : FM BELFAST
Fókus
Í gær

Frækileg fjölgun frægra á árinu

Frækileg fjölgun frægra á árinu
Fókus
Fyrir 2 dögum

Guðrún Dröfn fann upprunann á verndarsvæði: „Ég gekk beint að leiðinu hennar ömmu því ég fann fyrir sterkum tengslum við hana“

Guðrún Dröfn fann upprunann á verndarsvæði: „Ég gekk beint að leiðinu hennar ömmu því ég fann fyrir sterkum tengslum við hana“
Fókus
Fyrir 2 dögum

Elsta jólagjöf Þórunnar

Elsta jólagjöf Þórunnar