Fókus

Fagnaðarkantata á fullveldisafmæli

Ragna Gestsdóttir
Miðvikudaginn 7. nóvember 2018 15:30

„Verkið er ljóðræn útfærsla á þeim breytingum sem verða hjá þjóðinni frá því hún byrjar að líta hugdjarfari en fyrr til framtíðar og losa af sér hlekki og „klakabönd“ fortíðar“

Þann 1. desember verður flutt glæný fagnaðarkantata „Út úr kofunum“ í Menningarhúsinu Hofi á Akureyri þar sem kynslóðir og tónlistarstefnur mætast og fagna saman fullveldinu með norðlenskum ofurkröftum.

Höfundur verksins er Michael Jón Clarke en flytjendur eru Stefán Jakobsson, Þórhildur Örvarsdóttir, Gísli Rúnar Viðarsson, Hymnodia, Eyþór Ingi Jónsson, Sinfóníuhljómsveit Norðurlands, ungmennakórinn Æskuraddir fullveldisins, Sigrún Magna Þórsteinsdóttir og ungir strengjaleikarar í Strengjasveit fullveldisins. Höfundur texta er Sigurður Ingólfsson.

„Verkið er ljóðræn útfærsla á þeim breytingum sem verða hjá þjóðinni frá því hún byrjar að líta hugdjarfari en fyrr til framtíðar og losa af sér hlekki og „klakabönd“ fortíðar,“ segir Michael Jón Clarke. Þar sé rakin, án þess að um beina sagnfræði sé að ræða, vegferð og hugarfarsbreytingar á tiltölulega stuttu en gríðarlega mikilvægu og kraftmiklu tímabili í lífi þjóðar, frá fullveldis til lýðveldis.

„Í tilefni 100 ára afmælis fullveldisins horfum við um öxl og könnum hvaðan við erum komin, hvers konar samfélag það var sem í upphafi síðustu aldar ól af sér þetta fullvalda ríki Ísland,“ segir Kolbrún Halldórsdóttir, verkefnisstjóri fullveldishátíðar, og bætir við að á sjálfan afmælidaginn sé gott að finna fyrir sögunni. „Og vita að hún er okkur aðgengileg, við höfum hana meðferðis í bakpokunum þegar við beinum sjónum okkar mót framtíðinni, til næstu 100 ára. Á slíkum tímamótum fyllumst við bjartsýni og heitum sjálfum okkur því að vinna fullveldinu gagn með gjörðum okkar, svo það fái dafnað komandi kynslóðum til heilla,“ segir Kolbrún.

Verkið, sem hlaut meðal annars styrk frá Afmælisnefnd fullveldis Íslands, verður flutt laugardaginn 1. desember klukkan 20.00 í Menningarhúsinu Hofi á Akureyri. Miðasala er í fullum gangi á www.mak.is

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Valgarður fékk skelfilegt hugboð – „Eins og eitthvað flygi í gegnum hausinn á mér, eitthvað kalt. Það fyrsta sem ég hugsaði var – „Mamma!“

Valgarður fékk skelfilegt hugboð – „Eins og eitthvað flygi í gegnum hausinn á mér, eitthvað kalt. Það fyrsta sem ég hugsaði var – „Mamma!“
Fókus
Í gær

Ertu single? – Örvæntu ekki, hér eru 129 leiðir til að landa manni

Ertu single? – Örvæntu ekki, hér eru 129 leiðir til að landa manni
Fókus
Í gær

BLE-Rödd unga fólksins hlaut 19.2% atkvæða

BLE-Rödd unga fólksins hlaut 19.2% atkvæða
Fókus
Í gær

Sérkennilegur minjagripur – Yfir 60 ára gamall strætómiði

Sérkennilegur minjagripur – Yfir 60 ára gamall strætómiði
Fókus
Fyrir 2 dögum

Valgarður fór tólf ára úr klóm prests og í gin fíknar

Valgarður fór tólf ára úr klóm prests og í gin fíknar
Fókus
Fyrir 2 dögum

Heimsþekktur leikari afgreiðir popp í Bíó Paradís – „Loksins er ég í alvöru starfi“

Heimsþekktur leikari afgreiðir popp í Bíó Paradís – „Loksins er ég í alvöru starfi“