Fókus

Halldór heldur Opið svið í 40. sinn – Allir velkomnir að vera með

Ragna Gestsdóttir
Þriðjudaginn 6. nóvember 2018 13:00

Föstudaginn 9. nóvember heldur trommuleikarinn Halldór Lárusson Opið svið í Grindavík. Áfanginn er merkilegur því þetta er 40 skiptið sem Opið svið er haldið, en ávallt er frítt inn og öllum velkomið að stíga á svið með þeim félögum.

Hljómsveitin, sem kallar sig ¾, er skipuð upphafsmanninum Halldóri Lárussyni á trommur, Ólafi Þór Ólafssyni (Hobbitarnir, Föruneytið) á gítar og söng, og Þorgils Björgvinssyni (Sniglabandið) á bassa og söng.

„Opið svið varð til árið 2013 þegar ég kom að máli við fyrrum eigendur kaffihússins Bryggjunnar í Grindavík, bræðurna Aðalgeir og Kristin Jóhannssyni um að halda Opið Svið á Bryggjunni eitt sumarkvöld þar sem fólki gæfist kostur á að stíga á svið og syngja eða leika með nokkrum þaulvönum tónlistarmönnum,“ segir Halldór.

Bræðrunum leist vel á hugmyndina og vakti viðburðurinn svo mikla lukku að hann var endurtekinn nokkru síðar. Ekki leið á löngu áður en fólk fór að óska eftir að viðburðurinn yrði haldinn oftar enda var heimilislega og afslappaða stemningin farin að spyrjast út, ávallt húsfyllir og gestir farnir að koma frá öllum Suðurnesjum og Reykjavík.

„Núna fimm árum síðar eru skiptin orðin 40, en Opna Sviðið hefur nú flutt sig um set og er nú haldið á veitingastaðnum Fish House, Grindavík eftir að Aðalgeir og Jóhann seldu Bryggjuna,“ segir Halldór.

Fertugasta Opna Sviðið verður nú á föstudaginn 9. nóvember á Fish House í Grindavík frá kl. 22-1 og verður öllu tjaldað til og fólki boðið til afmælisveislu: 40. skipti, 5 ár!

„Ávallt er frítt inn og fólki boðið að taka lagið, segja sögur nú eða spjalla og leysa lífsins vanda.“

Viðburður á Facebook.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Myndband dagsins: Rollur leituðu sér læknisaðstoðar á Eskifirði – Sjáðu myndbandið

Myndband dagsins: Rollur leituðu sér læknisaðstoðar á Eskifirði – Sjáðu myndbandið
Fókus
Í gær

JFDR hélt súkkulaðitónleika – Nýjasta platan kom út sem súkkulaðistykki

JFDR hélt súkkulaðitónleika – Nýjasta platan kom út sem súkkulaðistykki
Fókus
Í gær

Heimsþekktur leikari afgreiðir popp í Bíó Paradís – „Loksins er ég í alvöru starfi“

Heimsþekktur leikari afgreiðir popp í Bíó Paradís – „Loksins er ég í alvöru starfi“
Fókus
Í gær

Myndasögukóngurinn Stan Lee látinn

Myndasögukóngurinn Stan Lee látinn