Fókus

Fjölmennt á Kærleiksviðburði Minningarsjóðs Einars Darra

Babl.is
Mánudaginn 5. nóvember 2018 20:00

Síðastliðinn laugardag hélt Minningarsjóður Einars Darra Kærleiksviðburð til að þakka fyrir stuðning þeirra sem fengu boð á viðburðinn, einnig til að segja frá komandi verkefnum og sýna nýja fatalínu, sem Una Hlín Kristjánsdóttir hjá DUTY hannaði.

Fjármunir minningarsjóðsins fara í forvarnarverkefni á vegum hans, en aðstandendur minningarsjóðsins hafa verið með forvarnarfræðslu um skaðsemi fíkniefna í framhaldsskólum í allt haust, fyrir utan að birta stuttar myndbandsklippur sem fjalla um hættur lyfjamisnotkunar og annarra fíkniefna.

Í lýsingu á viðburðinum á Facebook segir ,,við hjá Minningarsjóði Einars Darra erum meyr yfir þeim stuðningi sem við höfum fengið og við erum hvergi nærri hætt, við munum halda áfram að berjast í kærleika í nafni elsku Einar Darra okkar. Við vonum að þið haldið áfram að vera með okkur í liði.“

 

 

Kærleiksviðburðurinn var vel sóttur enda hafa margir lagt hönd á plóg til að vekja athygli á minningarsjóðnum og mikilvægi málefnanna sem hann stendur fyrir. Fólk virðist vera óhrætt við að standa með þeim og tala um fíkniefnavandann út frá persónulegri reynslu, enda hafa aðstandendur Einars Darra sem standa að baki minningarsjóðinum kærleiksríkt viðmót sameiginlegt. Stefna þeirra er að hafa ástina að vopni í baráttunni gegn fíkniefnavandanum, og það virðist vera að skila sér.

Sólrún Freyja Sen skrifaði.

Babl.is
Babl.is er vefmiðill sem er rekinn sjálfstætt af ungu fólki. Á Babl birtast greinar um spennandi hluti sem ungt fólk er að gera og greinar um málefni sem varða ungt fólk sérstaklega.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Silja Aðalsteins skrifar leikdóm um Tvískinnung – „Magnað sjónarspil á köflum“

Silja Aðalsteins skrifar leikdóm um Tvískinnung – „Magnað sjónarspil á köflum“
Fókus
Í gær

Ragga nagli – „Suma daga er ferskleikinn á við þriggja daga gamla óundna borðtusku“

Ragga nagli – „Suma daga er ferskleikinn á við þriggja daga gamla óundna borðtusku“