Grime rapparar á sjötugs- og áttræðisaldri ætla sér að sigra heiminn. Þeir hafa gert tvö lög sem hafa notið vinsælda á samfélagsmiðlum og von er á því þriðja þá og þegar.
Dularfulla tvíeykinu, Pete og Bas, brá fyrst fyrir á Instagram síðu fyrir litla hverfissjoppu í London, Sindhu, sem hefur hlotið frægð á Instagram fyrir að deila skemmtilegum færslum og myndböndum. Þeir eru á sjötugs- og áttræðisaldri en eru þó báðir nýgræðingar í rappinu.
Fyrsta lagið þeirra, Shut ya mouth, kom út fyrir ári síðan og lagið, Do one, fylgdi svo eftir í ágúst síðastliðnum. Lögin þeirra heyra til tónlistarstefnunnar Grime sem má kalla skítugan frænda hip-hops.
Fyrir áhugasama má hér fræðast betur um Grime tónlist.
Tvíeykið heldur nú úti sinni eigin Instagram síðu og í gær birtist þar brot úr væntanlegu myndbandi þeirra sem mun vera gefið út í fullri lengd á næstu misserum. Þeir félagar ætla að sögn að „taka yfir heiminn“ sem verður að þykja einstaklega metnaðarfullt markmið gamlingja sem fæddust um miðbik síðustu aldar og eru fyrst núna að stíga sín fyrstu skref í rappinu.
Sjón er hér ,svo sannarlega, sögu ríkari !
Fyrsta lagið þeirra Shut Ya Mouth sem kom út fyrir ári síðan
Næsta lag þeirra kom út í ágúst á þessu ári :
Þriðja lagið þeirra er væntanlegt og má sjá brot úr því á Instagram
https://www.instagram.com/p/Bqfnf2qglRO/?utm_source=ig_web_copy_link