fbpx
Mánudagur 10.desember 2018
Fókus

Í hjarta Parísar – Tónleikar í Norræna húsinu

Ragna Gestsdóttir
Miðvikudaginn 21. nóvember 2018 10:30

Miðvikudaginn 21. nóvember verða tónleikar í tónleikaröðinni Klassík í Vatnsmýrinni í Norræna húsinu kl. 20.00.

Þá flytja Hafdís Vigfússdóttir flautuleikari og Kristján Karl Bragason píanóleikari litríka franska efnisskrá, nokkur öndvegisverk franska flautuskólans auk frumflutnings á verki með skírskotun til Parísar, „Les escaliers des rues de Paris“ eftir Gísla J. Grétarsson. Auk þess flytja þau Fantasie op. 79 eftir Fauré, Sónötu nr. 1 eftir Gaubert, Sónötu fyrir flautu og píanó eftir Poulenc og Rómönsu op. 37 eftir Saint-Saëns. 

Hafdís Vigfúsdóttir stundaði framhaldsnám í Hollandi, Frakklandi og Noregi og vann önnur verðlaun í alþjóðlegu keppninni Le Parnasse í París. Sem einleikari hefur Hafdís komið fram með Kammersveit Reykjavíkur, Ungfóníu, Sinfóníuhljómsveit áhugamanna og Sinfóníuhljómsveit Íslands. Hún leikur kammertónlist með Íslenska flautukórnum og Stirni ensemble og kennir við tónlistarskóla Hafnarfjarðar.

Kristján Karl stundaði framhaldsnám í Þýskalandi, Frakklandi og Hollandi. Árið 2000 hlaut hann fyrstu verðlaun í framhaldsflokki píanókeppni Íslandsdeildar EPTA. Kristján hefur meðal annars leikið einleik með Sinfóníuhljómsveit unga fólksins og haldið einleikstónleika í Salnum í Kópavogi. Hann er meðleikari og píanókennari við Listaháskóla Íslands, Menntaskóla í tónlist og Tónlistarskóla Reykjanesbæjar. Gísli Jóhann Grétarsson tónskáld og stjórnandi starfar nú í Reykjavík eftir 10 ára dvöl við tónlistarstörf í Skandinavíu. Hann hefur samið óperur, kammertónlist og kórverk sem hafa verið flutt á Norðurlöndunum, Ítalíu, Þýskalandi, Austurríki, Spáni, Frakklandi, Bandaríkjunum og Ástralíu. Nú síðast var verk hans VOICELAND flutt af kammerkórnum Hymnodiu á Óperudögum í Reykjavík. Næsta kammerópera Gísla, Systemet, verður frumflutt í Osló vorið 2020.

Aðgangseyrir er 3.000 kr. og 2.000 kr. fyrir eldri borgara og öryrkja, ókeypis fyrir nemendur og gesti 20 ára og yngri.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Jólalag Föstudagslaganna – „Grýla móðir mín hún er mannæta“

Jólalag Föstudagslaganna – „Grýla móðir mín hún er mannæta“
Fókus
Fyrir 2 dögum

Klausturtríóið frumflutti Stólahljóð á Klaustur Bar

Klausturtríóið frumflutti Stólahljóð á Klaustur Bar
Fókus
Fyrir 2 dögum

Hin stórkostlega frú Maisel snýr aftur

Hin stórkostlega frú Maisel snýr aftur
Fókus
Fyrir 2 dögum

Listakonan Magga gefur listaverk til styrktar góðum málefnum

Listakonan Magga gefur listaverk til styrktar góðum málefnum
Fókus
Fyrir 2 dögum

Game of Thrones – Sjáðu fyrstu kitluna úr næstu þáttaröð

Game of Thrones – Sjáðu fyrstu kitluna úr næstu þáttaröð
Fókus
Fyrir 3 dögum

Harmleikurinn í Halifax

Harmleikurinn í Halifax
Fókus
Fyrir 3 dögum

Erla Alexandra keppir í Miss World – Atkvæði þitt skiptir máli

Erla Alexandra keppir í Miss World – Atkvæði þitt skiptir máli