fbpx
Mánudagur 10.desember 2018
Fókus

Þórunn Antonía lamin á skemmtistað – Rifjar upp hræðilega viku

Fókus
Mánudaginn 19. nóvember 2018 19:00

Þórunn Antonía Magnúsdóttir, söngkona og skemmtikraftur, fór yfir víðan völl í viðtali í útvarpsþættinum Lögum lífsins á K100. Þar greindi hún frá því hvernig hún hataði að fá brjóst sem unglingur og þegar hún var lamin á skemmtistað, svo nokkuð sé nefnt.

Þórunn sagðist hafa verið vandræðaunglingur. „Ég var hressa týpan sem var alltaf verið að sussa á, en var rosa góður námsmaður. Ég er klár stelpa, ég var mjög góð í skóla. Svo verður maður unglingur. Ég hataði að verða unglingur. Ég hataði að fá brjóst og allt sem fylgir kynþroskanum. Ég teipaði niður á mér brjóstin með teygjubindi. Af því að ég var ekki tilbúin í það, mig langaði ekki að það væri litið á mig með öðrum augum. Ég átti fullt af stelpuvinkonum og strákavinum. Mér fannst bara óþægileg þessi athygli sem ég var að fá að vera sexí eða eitthvað slíkt. Ég var ekki tilbúin í það. Ég var mjög lengi í tveimur hettupeysum,“ ´sagði Þórunn.

Í viðtalinu segir hún enn fremur að henni hafi verið nauðgað þegar hún smakkaði fyrst áfengi. „Mér var nauðgað á mínu fyrsta fylleríi. Við erum að drekka, að prófa að drekka áfengi í fyrsta skiptið, og þá er atvik sem gerist, sem ég viðurkenndi ekkert að var nauðgun fyrr en miklu, miklu seinna. Ég var full og ég var að kyssa strákinn, mér fannst alltaf eins og ég hafi boðið upp á það og svo endar þetta svona. Hegðun mín breytist afskaplega mikið í kjölfarið. Ég sé það í dag að þetta er algengt meðal fórnarlamba kynferðisofbeldis og þess vegna finnst mér ég bera ábyrgð á því að tala um þessi mál, sem þolandi sem hefur staðið upp. Mig langar að miðla til ungs fólks að tala opinskátt um það og sérstaklega eldra fólks, sem finnst þetta enn þá feimnismál,“ sagði Þórunn.

Þórunn fór enn fremur yfir erfiða viku í ævi hennar þegar hún missti plötusamning í Bretlandi en á þeim tíma var hún í sambandi með meðlimi hljómsveitarinnar Kasabian. „Við vorum búin að „soft release-a“ plötunni, það var búið að setja hana í búðirnar en ekkert búið að auglýsa hana, bara til að hafa hana sýnilega en svo átti eftir að markaðssetja hana. Svo gerist það að Sony tekur yfir BMG og sér þarna einhverja plötu sem er ekkert búin að seljast, af því að þeir líta bara á tölurnar. Það var ekkert verið að taka það inn að það var ekkert búið að markaðssetja hana. Maðurinn sem „signaði“ okkur missir vinnuna og þá missum við vinnuna í kjölfarið,“ sagði Þórunn.

Það var þó ekki eina áfallið á stuttum tíma. „Við missum samninginn, sem var ákaflega erfitt fyrir 19, 20 ára stelpu. Ég hélt að þetta yrði stóri draumurinn. Ég átti þarna verstu viku lífs míns. Því ég missi samninginn, kærastinn „dump-ar“ mér og ég er lamin á skemmtistað í London. Þetta var ekki mín vika. En það var allt í lagi með mig eftir þetta, þetta var frábær reynsla,“ sagði Þórunn.

Viðtalið má heyra í heild sinni hér.

Fókus
Á Fókus finnur þú umfjöllun um fólk, bæði í fréttamolum og styttri og lengri viðtölum, Tímavélina, umfjöllun um menningu: bækur, kvikmyndir og sjónvarp, leiklist, tónlist og tónleika, viðburði,
próf, gjafaleiki og fleira. Ert þú með ábendingar, hugmyndir eða efni fyrir Fókus, upplýsingar um viðburði, eða annað? Sendu okkur þá línu á fokus@fokus.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Jólalag Föstudagslaganna – „Grýla móðir mín hún er mannæta“

Jólalag Föstudagslaganna – „Grýla móðir mín hún er mannæta“
Fókus
Fyrir 2 dögum

Klausturtríóið frumflutti Stólahljóð á Klaustur Bar

Klausturtríóið frumflutti Stólahljóð á Klaustur Bar
Fókus
Fyrir 2 dögum

Hin stórkostlega frú Maisel snýr aftur

Hin stórkostlega frú Maisel snýr aftur
Fókus
Fyrir 2 dögum

Listakonan Magga gefur listaverk til styrktar góðum málefnum

Listakonan Magga gefur listaverk til styrktar góðum málefnum
Fókus
Fyrir 2 dögum

Game of Thrones – Sjáðu fyrstu kitluna úr næstu þáttaröð

Game of Thrones – Sjáðu fyrstu kitluna úr næstu þáttaröð
Fókus
Fyrir 3 dögum

Harmleikurinn í Halifax

Harmleikurinn í Halifax
Fókus
Fyrir 3 dögum

Erla Alexandra keppir í Miss World – Atkvæði þitt skiptir máli

Erla Alexandra keppir í Miss World – Atkvæði þitt skiptir máli