fbpx
Fimmtudagur 13.desember 2018
Fókus

Samferða standa fyrir tónleikum – Ágóði rennur óskiptur til einstaklinga og fjölskyldna í neyð

Ragna Gestsdóttir
Miðvikudaginn 14. nóvember 2018 11:30

Góðgerðarsamtökin Samferða hafa undanfarin ár staðið að viðburðum víða um land og hefur ágóði runnið óskiptur til einstaklinga og fjölskyldna í neyð. Sá síðasti í ár verður haldinn í Bæjarbíói í kvöld og koma Laddi, Jón Jónsson, Páll Rósinkranz, Bjarni Ara og Svala fram. Allur ágóði rennur til þeirra sem minna mega sín.

„Við byrjuðum í Hnífsdal og fórum svo til Akureyrar og Vestmannaeyja. Stefnum svo að því að bæta Neskaupstað við á næsta ári og þá náum við að vera í öllum landsfjórðungum,“ segir Rútur Snorrason hjá Samferða í viðtali við Fjarðarpóstinn, en hann hefur veg og vanda að skipulagningu viðburðanna, sem hefur alls staðar verið tekið alveg ótrúlega vel, bæði af tónlistarmönnum og áhorfendum.

Við erum ekki með neina yfirbyggingu og því höfum við treyst algjörlega á samstarfsaðila, sem er algjörlega ómetanlegt, eins og Flugfélagið Erni, Olís og Bílaleigu Akureyrar. Ef þeirra nyti ekki við værum við ekki að fara svona víða um landið. Sama má segja um Palla í Bæjarbíó, þar sem við fáum að vera með viðburðinn. Af virðingu við listamennina viljum við að sjálfsögðu fylla húsið. Allir gefa vinnu sína og enginn kostnaður er við viðburðina og ef það er einhver kostnaður þá tek ég hann á mig.

Verða vonandi fastir liðir

Rútur segir að bæjarblöð og fyrirtæki á hverjum stað þar sem viðburðirnir eru haldnir séu smám saman að taka við sér. „Það tekur tíma að kynnast samtökunum okkar og skilja út á hvað þau ganga. Við erum að gefa heimafólki tækifæri á að koma sér á framfæri, þá bæði ungt og efnilegt fólk að stíga sín fyrstu skref og svo líka stjörnur. Svo eru þetta kjörin tækifæri til að kynna okkur sem samtök og vonandi verða þetta fastir liðir á sem flestum stöðum.“ Þá sé stefnan að vera með heimafólk að skemmta á viðburðunum, í bland við frægt fólk frá höfuðborgarsvæðinu. Á næsta ári muni peningur sem safnast verða skilinn eftir fyrir einstaklinga og fjölskyldur í hverjum landsfjórðungi fyrir sig.

100 kall mánaðarlega skiptir sköpum

Einnig sé í bígerð að kynna almennilega fyrir almenningi hvernig samtökin starfi. „Við vinnum fyrst og fremst eftir ábendingum, en ekki til dæmis umsóknum. Við viljum fá fólk með okkur í að láta vita af fólki í neyð sem er ekkert endilega að trana sér fram eða vekja athygli. Það skiptir gríðarlegu máli,“ segir Rútur og að þótt mikið sé að gera sé ofboðslega gefandi að standa í þessu. „Við erum með hugmynd í vinnslu um að fólk geti til dæmis styrkt okkur um 100 kall mánaðarlega. Það munar litlu fyrir hvern og einn, enn er svo fljótt að koma ef margir taka þátt á landsvísu.“

Hægt er að styrkja samtökin beint með því að leggja inn á reikning 327-26-114, kt. 651116-2870 og einnig með því að hringja eða senda sms í 907-1081 (1.000 kr), 907-1083 (3000 kr), 907-1085 (5.000 kr) og 907-1090 (10.000 kr).

Samferða á Facebook.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Storytel kynnir til sögunnar fjölskylduáskrift

Storytel kynnir til sögunnar fjölskylduáskrift
Fókus
Í gær

Vertu með í jóladagatali HIITFIT – Brjóttu upp kyrrsetuna

Vertu með í jóladagatali HIITFIT – Brjóttu upp kyrrsetuna
Fókus
Í gær

Þórdís Karlsdóttir er Jólastjarnan 2018 – Gefur út Crazy

Þórdís Karlsdóttir er Jólastjarnan 2018 – Gefur út Crazy
Fókus
Í gær

Þórdís Elva flytur magnaðan óð til stúlkna – „Þið eruð framtíðin. Megi eldgosið byrja“

Þórdís Elva flytur magnaðan óð til stúlkna – „Þið eruð framtíðin. Megi eldgosið byrja“