Kristján Þór Júlíusson, sjávarútvegs- og landbúnaðarráðherra, og eiginkona hans, hafa sett einbýlishús sitt á Akureyri á sölu. Um er að ræða reisulegt 330 fermetra einbýli á Ásvegi, rólegri botnlangagötu miðsvæðis í bænum.
Eiríkur Jónsson greindi fyrst frá.
Húsið sem um ræðir var byggt árið 1956 og er það sjö herbergja; þar af eru fimm svefnherbergi og tvær stofur. Húsið er á tveimur hæðum, auk kjallara, og sambyggðum bílskúr.
Öll svefnherbergin í húsinu eru á annarri hæð en á neðri hæð er þvottahús, stórt eldhús, bílskúr, borðstofa og stofa.
Kjallarinn þykir þó sérstaklega heillandi en gengið er niður í hann úr forstofu við þvottahús. „Þar er komið niður í rými sem verið er að nota sem vinnuaðstöðu þar fyrir innan er geymsla. Svo er það hvíldarherbergi með flísum á gólfi og þar fyrir innan er baðhús. Baðhúsið er með flísum á gólfi, flísalögð sturta með glerskilrúmi og gufubað.“
Ásett verð er 85 milljónir króna sem þykir ekki ýkja mikið fyrir jafn stórt einbýlishús og þetta.
Sjá nánari upplýsingar og fleiri myndir hér.