Það er vinsælt að útbúa dagatöl og selja til styrktar góðu málefni og lögreglan í Vancouver í Kanada lætur sitt ekki eftir liggja.
„Útgáfa dagatalanna hófst árið 2009 þegar Mike Anfield varðstjóri, sem kominn var á eftirlaun, hóf útgáfu þeirra til að heiðra minningu eiginkonu hans, Candy Anfield, sem lést úr brjóstakrabbameini árið 2004.“
Allur ágóði rennur til B. C. Krabbameinssamtakanna og B. C. Barnaspítalasjóðsins. „Lögregluhundarnir hlýddu allir yfirmönnum sínum við myndatökuna og sátu kyrrir á meðan á myndatökum stóð. Þú sérð persónuleika hvers og eins þeirra á myndunum. Brando er alveg jafn töff og hann lítur út með sólgleraugun á. Bailey elskar pásur á kaffihúsi. Jack tekur starfið alvarlega og er alltaf ákveðinn í að komast að sannleikanum þegar kemur að því að yfirheyra grunaða.“
Í dag eru 15 hundateymi hjá lögreglunni í Vancouver, í hverju þeirra er einn hundur og þjálfari hans.
„Lögregluhundarnir eru mikilvægir fyrir deild okkar þar sem þeir eru þjálfaðir í ýmsum verkefnum eins og: leit, handtöku, varðveislu sönnunargagna, og að finna eiturlyf, skotvopn og sprengiefni.“
Teymin bregðast við yfir 10 þúsund útköllum árlega.
Dagatalið kostar 15 dollara og má panta hér.
