fbpx
Fimmtudagur 13.desember 2018
Fókus

Linda Pé tekur við Miss World á Íslandi: Erla verður fulltrúi Íslands í Ungfrú Heimur – Á ekki langt að sækja fegurðina

Ragna Gestsdóttir
Þriðjudaginn 9. október 2018 18:30

Linda Pétursdóttir, eða Linda Pé eins og við þekkjum hana, hefur tekið við stjórn Miss World á Íslandi og og á það vel við þar sem í lok árs eru 30 ár síðan Linda var sjálf valin Ungfrú heimur.

Linda krýnd Miss World í nóvember 1988.

Hennar fyrsta verk var að velja verðugan fulltrúa Íslands til þess að taka þátt í keppninni í ár en keppnin verður haldin í Kína þann 8. desember. Fyrir utan að bera titilinn Ungfrú heimur 1988 byggði Linda upp sitt eigið fyrirtæki, sem hún rak í tuttugu ár. Núna er hún að ljúka námi sínu í HHS (heimspeki, hagfræði og stjórnmálafræði) við Háskólann á Bifröst. Samhliða náminu hefur Linda einnig haldið úti síðunni lindap.is. Það er mikill fengur fyrir Miss World á Íslandi að fá Lindu til þess að halda utan um keppnina hér heima þar sem hún er öllum hnútum kunnug, jafnt sem keppandi sem og alþjóðlegur dómari en hún hefur mikla reynslu þar og getur þar af leiðandi verið íslenska fulltrúanum ómetanlegur stuðningur. Stúlkan sem valin hefur til þess að vera fulltrúi Íslands í ár heitir Erla Alexandra Ólafsdóttir.

Ljósmyndari: Ásta Kristjánsdóttir Hárgreiðsla: Óli Boggi Heiðarsson

Erla Alexandra úr Kópavogi, sem er ekki alveg óvön umræðunni um fegurðarsamkeppnir því svo skemmtilega vill til að móðir hennar er engin önnur en Guðrún Möller fyrrum ungfrú Ísland sem tók sjálf þátt í Miss World árið 1982. Erla Alexandra á því ekki langt að sækja fegurðina. Erla er 24 ára og stundar nám við lögfræði í HR og hefur meðal annars unnið við sjálfboðastörf með börnum í Afríku. Linda og Erla Alexandra eru þessa dagana á fullu í þeirri undirbúningsvinnu sem svona keppni kallar á og verðu spennandi að sjá hvernig Erlu Alexöndru gengur í keppninni. Heiðar Jónsson snyrtir veitir einnig Erlu Alexöndru ómetanleg ráð. Eitt er víst að hún verður ekki svikin af því að hafa Lindu sem bakhjarl. Aðaláhersla starfsemi Miss World hefur verið góðgerðarstörf og hafa samtökin Beauty with a purpose sem Julia Morley eigandi Miss World stofnaði árið 1972, safnað yfir 1 milljarði sterlingspunda og styrkt bágstödd börn um allan heim.

„Þeir sem vilja sýna Erlu Alexöndru stuðning og fylgjast með því spennandi ferðalagi sem framundan er hjá henni, geta fylgst með Facebook-síðu Miss World Iceland þar sem við setjum inn efni fram að keppni, bæði frá undirbúningi hér heima á Íslandi svo og frá Kína,“ segir Linda.

Ljósmyndari: Ásta Kristjánsdóttir
Hárgreiðsla: Óli Boggi Heiðarsson
Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Ritdómur um Vistarverur: Hamfaraklám og mín eigin hræsni

Ritdómur um Vistarverur: Hamfaraklám og mín eigin hræsni
Fókus
Í gær

Söngleikurinn Matthildur – Fyrsta lagið birt

Söngleikurinn Matthildur – Fyrsta lagið birt
Fókus
Fyrir 2 dögum

Jodie Foster tekur við af Halldóru sem Halla – „Ég get ekki beðið eftir að leika hana“

Jodie Foster tekur við af Halldóru sem Halla – „Ég get ekki beðið eftir að leika hana“
Fókus
Fyrir 2 dögum

Vertu með í jóladagatali HIITFIT – Taktu snögga heimaæfingu

Vertu með í jóladagatali HIITFIT – Taktu snögga heimaæfingu