Leikarinn og leikstjórinn Bradley Cooper hélt upp á frumsýningu myndar sinnar A Star Is Born með því að kaupa einbýli á Manhattan fyrir 13,5 milljón dollara. Húsið er í West Village og ætti að fara vel um Cooper og fjölskyldu hans þar.
Húsið mun ekki hafa verið skráð á sölu, en var auglýst til leigu í fyrra á 50 þúsund dollara á mánuði.
Húsið er stórglæsilegt, hátt er til lofts, hiti í gólfum, ljós eru sérhönnuð, hljóðkerfi er um allt húsið og öllu í húsinu má stjórna með sjálfvirku kerfi í gegnum iPad.
Efsta hæðin er hjónaberbergið, þar sem er hátt til lofts, arinn, þakgluggi og fataherbergi sem gengið er inn í á tveimur stöðum.
Húsinu fylgir 100 fm2 garður með palli og grilleiningu.
Í kjallaranum er 100 fm2 vínkjallari, þvottaherbergi, snyrtiherbergi og síðast en ekki síst kvikmyndaherbergu með 65 tommu sjónvarpi.
Cooper á einnig tvær fasteignir í Los Angeles sem hann er búinn að eiga í mörg ár.
