fbpx
Fókus

Spíra mánaðarins er Karja – „Skemmtilegt að gefa út persónuleg ljóð sem fólk tengir við“

Babl.is
Laugardaginn 6. október 2018 11:30

Spíra mánaðarina á Babl.is er Karitas Mörtudóttir Bjarkadóttir eða Karja,en næsta þriðjudag kemur önnur ljóðabók hennar út. Sú bók ber titilinn m.b.kv. (og fyrirfram þökk). Fyrsta bók Körju, a.m.k. (ég hata þetta orðasamband, fjallaði um menntaskólaár hennar og tilfinningaúrvinnslu vegna fyrstu sambandsslitanna sem Karja lenti í þegar hún byrjaði í Verzló.

,,Nýja bókin er með svipað þema og fyrsta bókin en er samt sjálfstætt framhald. Þessi bók er aðeins styttri en fyrri bókin enda er stutt síðan hún kom út. M.b.kv. (og fyrirfram þökk) fjallar um ferli mitt frá því að ég lenti í öðrum sambandsslitum síðasta vor, hvernig ég kom mér í gegnum þau og enduruppgötvaði sjálfa mig. Báðar bækurnar eru í raun dagbækur mínar í ljóðaformi.”

Karja segir að hún hafi verið ögn smeyk við að gefa út eitthvað jafn persónulegt og ljóðin sín. ,,Ég var sérstaklega smeyk þegar ég gaf út fyrstu bókina, en það er vegna þess að þegar ég var að skrifa ljóðin í henni þá hafði ég ekkert hugsað mér að gefa þau út. Þau voru skrifuð í einhverju tilfinningaflóði og eru þess vegna aðeins persónulegri, því ég var bara að vinna úr tilfinningunum mínum þegar þau urðu til.” Karja ákvað ekki að gefa ljóðin út fyrr en kom að því að hún þurfti að skila lokaverkefni í Verzló.

,,Ég ætlaði hinsvegar alltaf að gefa út ljóðin sem eru í nýju bókinni.”

Mælir með ljóðum sem útrás fyrir erfiðar tilfinningar

Karja mælir með að nota ljóð sem útrás fyrir erfiðar tilfinningar. ,,Það er ótrúlega losandi að geta komið hlutunum svona frá sér. Það er mjög mikil ,,þerapía“ í því. Það sem er líka skemmtilegt við það að gefa út svona rosalega persónuleg ljóð sem koma í þessu mikla tilfinningaflæði, er að fólk tengir við ljóðin. Langflestir hafa lent í að missa vin, lent í ástarsorg eða bara verið reiðir út í heiminn. Það er gaman að geta gefið út eitthvað einlægt og séð að fólk tengir við það.”

Vonast til að lesendahópurinn verði fjölbreyttari

Viðtökurnar við fyrstu bók Körju voru einmitt mjög góðar, en bækurnar sem voru samtals 80 seldust allar upp. ,,Þá var ég bara að prenta þetta sjálf út og skutlast með bækurnar um höfuðborgarsvæðið. Það var aðallega fólk sem ég þekkti eða kannaðist við sem keyptu bækurnar.”

Nú sér Post-dreifing um prentun og dreifingu bókarinnar, en Post-dreifing er útgáfukollektíva sem var nýlega stofnuð af hópi af ungu fólki. Þar sem Karja verður í þetta sinn ekki ein að auglýsa og dreifa bókinni, vonast hún til þess að lesendahópurinn verði fjölbreyttari, ekki bara vinir og kunningjar.

Reyndar er m.b.kv. (með fyrirfram þökk) ekki eina bókin sem Karja gefur út á þriðjudaginn. ,,Sama dag koma út Hækur (japanskt ljóðform) í ABBA þema. Það verður bara lítil vasabók sem verður prentuð í 20 eintökum.”

Formið á ljóðunum í stærri bókinni er svo allskonar. ,,Sum ljóð eru kannski bara einar eða tvær málsgreinar á meðan önnur eru nokkur stutt erindi. Svo finnst mér mjög gaman að vinna með endurtekningar í ljóðunum mínum, en mörg þeirra byrja á sömu setningunni en halda samt flæðinu.”

Áhuginn á ljóðagerð kviknaði um 9 ára aldur

Áhuginn fyrir ljóðagerð kviknaði einmitt þegar Karja var að læra um bragarhætti í grunnskóla. ,,Ég var eitthvað í kringum níu ára gömul. Við vorum að læra ljóðlist og ég fór að fikta við að semja ljóð sjálf. Allgjör barnaljóð fyrst náttúrulega en ég prófaði mig bara áfram. Síðan datt ég aðeins út úr því að semja ljóð. Ég fór ekki að semja aftur fyrr en ég lenti í fyrstu sambandsslitunum mínum og þurfti að fá útrás fyrir tilfinningar mínar. Ljóðformið hentaði mér einfaldlega best til þess.”

Það verður að koma í ljós hvort Karja gefi út aðra ljóðabók en hún segir að það sé ekki spurning að hún muni halda áfram að semja ljóð. ,,Það er bara svo ótrúlega skemmtilegt að geta komið einhverju frá sér á listrænan hátt.”

Næstkomandi þriðjudag, 9. október verður útgáfuhóf m.b.kv. (með fyrirfram þökk) haldið. Nokkur skáld munu koma og lesa úr sínum ljóðum ásamt Körju. ,,Ég fann skáld í kringum mig sem hafa verið að skrifa og hafa ekki enn lesið upp eigin ljóð fyrir framan áheyrendur, en hefðu kannski áhuga á að koma fram á litlu ,,platformi“ í öruggu umhverfi.” Eydís Kvaran sem myndskreytti kápuna á bókinni mun vera með myndir til sölu. ,,Ég vildi hafa þetta opið fyrir aðra listamenn líka, til að koma þeim á framfæri.”

Nánari upplýsingar um útgáfuhófið má finna hér, og hægt er að panta eintak af bókinni hér.

Greinin birtist á Babl.is.

Babl.is
Babl.is er vefmiðill sem er rekinn sjálfstætt af ungu fólki. Á Babl birtast greinar um spennandi hluti sem ungt fólk er að gera og greinar um málefni sem varða ungt fólk sérstaklega.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 8 klukkutímum

Ástralskir slökkviliðsmenn pósa með dýrum fyrir góðgerðardagatal – Myndir sem gætu kveikt elda í hjörtum

Ástralskir slökkviliðsmenn pósa með dýrum fyrir góðgerðardagatal – Myndir sem gætu kveikt elda í hjörtum
Fókus
Fyrir 9 klukkutímum

Fjölmenni í 10 ára afmæli UNICEF og Te & Kaffi – 10 daga söfnunarátak

Fjölmenni í 10 ára afmæli UNICEF og Te & Kaffi – 10 daga söfnunarátak
Fókus
Fyrir 21 klukkutímum

Hórmangari gripinn glóðvolgur á Laugavegi

Hórmangari gripinn glóðvolgur á Laugavegi
Fókus
Fyrir 23 klukkutímum

Kvikmyndir Baltasars sem hafa aldrei orðið að veruleika

Kvikmyndir Baltasars sem hafa aldrei orðið að veruleika
Fókus
Í gær

Hafþór og Kelsey opinbera hjónabandið – Sjáðu myndina

Hafþór og Kelsey opinbera hjónabandið – Sjáðu myndina
Fókus
Í gær

Kristinn missti bróður sinn í flugslysi – Íhugaði að taka eigið líf

Kristinn missti bróður sinn í flugslysi – Íhugaði að taka eigið líf