fbpx
Miðvikudagur 12.desember 2018
Fókus

Rödd Ólafs Darra eftirsótt erlendis

Tómas Valgeirsson
Laugardaginn 6. október 2018 17:00

Enn bætist í sarpinn hjá íslenska stórleikaranum Ólafi Darra Ólafssyni. Nýverið var frumsýnd teiknimyndasería á streymiþjónustunni Netflix þar sem heyrist dátt í rödd íslenska leikarans.

Þættirnir bera heitið Hilda og eru byggðir á vinsælli barnabókaseríu eftir Luke Pearson. Þeir segja frá samnefndri stúlku sem ferðast til ævintýraheimsins Trolberg. Um er að ræða þar veröld sem einkennist af furðuverum á borð við risa og álfa. Á ferðum sínum kynnist Hilda nýjum en dularfullum vinum, sem margir hverjir eru enn hættulegri en halda mætti við fyrstu sýn. Þættirnir hófu göngu sína á streymiveitunni í síðari hluta septembermánaðar og eru þrettán talsins, en Ólafur ljáir rödd sína í hverjum þætti.

Úr Netflix-seríunni Hilda.

Eins og glöggir vita hefur Ólafur Darri ekki verið óvanur talsetningum og hefur djúpa rödd hans ómað um ófáar barna- og fjölskyldumyndir í gegnum áraraðirnar. Hins vegar hefur hann ekki verið áður ráðinn í talsetningu án þess að það sé á móðurmálinu fyrr en síðustu misseri. Því er öruggt að segja að leikarinn sé heldur betur kominn á ratsjá heimsvísunnar og má væntanlega búast við meiru frá honum.

Einnig má geta þess að Ólafur leikur fígúruna Ragnar the Rock í framhaldsmyndinni How to Train Your Dragon: The Hidden World. Í íslensku talsetningum fyrri mynda seríunnar fór hann með hlutverk persónunnar Stoick, föður aðalhetjunnar sem var talsettur af Gerard Butler á frummálinu. Sú mynd er væntanleg í kringum næstu páska.

Nýlega lauk Ólafur tökum á kvikmyndinni Murder Mystery með Adam Sandler og Jennifer Aniston í aðalhlutverkum og má búast við honum í stóru hlutverki í spennuþáttunum NOS4A2. Sú þáttaröð er byggð á samnefndri skáldsögu eftir Joe Hill, betur þekktur sem sonur hryllingsmeistarans Stephen King. Þar verður Ólafur í hlutverki hrottalegs manns að nafni Bing Partridge, sem aðdáendur bókanna ættu hispurslaust að kannast við.

Eins og ekki séu járnin nógu mörg í eldinum verður leikarinn jafnframt áberandi í þáttaröðinni The Widow, sem Amazon framleiðir og skartar stórleikkonunni Kate Beckinsale. Óvíst er enn hvenær þeir verða frumsýndir.

Leikkonan Kate Beckinsale fer með aðalhlutverkið í The Widow, en þau Ólafur Darri eiga það bæði sameiginlegt að hafa unnið með Adam Sandler.
Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 18 klukkutímum

Kristín Þóra valin í Shooting Stars 2019 – „Sýnir mjög djúpa innsýn og skilning á hlutverkum sínum“

Kristín Þóra valin í Shooting Stars 2019 – „Sýnir mjög djúpa innsýn og skilning á hlutverkum sínum“
Fókus
Fyrir 19 klukkutímum

Vertu með í jóladagatali HIITFIT – Brjóttu upp kyrrsetuna

Vertu með í jóladagatali HIITFIT – Brjóttu upp kyrrsetuna
Fókus
Fyrir 20 klukkutímum

Stjórnin gefur út sitt fyrsta jólalag – Enn ein jól

Stjórnin gefur út sitt fyrsta jólalag – Enn ein jól
Fókus
Í gær

Guðrún Dröfn fann upprunann á verndarsvæði

Guðrún Dröfn fann upprunann á verndarsvæði
Fókus
Í gær

Jodie Foster tekur við af Halldóru sem Halla – „Ég get ekki beðið eftir að leika hana“

Jodie Foster tekur við af Halldóru sem Halla – „Ég get ekki beðið eftir að leika hana“
Fókus
Í gær

Linda Pé var dómari í Ungfrú Heimur 2018

Linda Pé var dómari í Ungfrú Heimur 2018
Fókus
Í gær

Margir minnast Einars Darra: „Hann var með bros sem lýsti upp allt í kringum hann“

Margir minnast Einars Darra: „Hann var með bros sem lýsti upp allt í kringum hann“