fbpx
Miðvikudagur 12.desember 2018
Fókus

Fyrrverandi eiginkona R. Kelly lýsir hrottafengnu ofbeldi: „Ég hélt að ég myndi deyja“

Lilja Katrín Gunnarsdóttir
Laugardaginn 6. október 2018 12:11

Andrea stígur fram.

Andrea Kelly, fyrrverandi eiginkona söngvarans R. Kelly, var í átaknlegu viðtali í sjónvarpsþættinum The View í vikunni. Andrea, sem er dansari, gekk að eiga tónlistarmanninn árið 1996 en þau skildu tíu árum síðar. Í viðtalinu við The View lýsir hún hrottafengnu ofbeldi af hálfu fyrrverandi eiginmanns síns, en sú reynsla hefur haft víðtæk áhrif á líf hennar í dag.

„Ég man að hann réðst einu sinni á mig í aftursætinu á Hummer-bifreið, og ég þjáist af áfallastreituröskun út af því,“ segir Andrea. „Ég hélt að ég myndi deyja í aftursætinu á Hummer-bifreiðinni. Hann tók vinstri handlegginn minn og ýtti honum fyrir aftan bak mitt þannig að þyngd hans lá á líkama mínum. En hann gerði sér ekki grein fyrir því að framhandleggur hans þrýstist á hálsinn minn. Þannig að þegar hann þrýsti mér niður átti ég erfitt með að anda,“ bætir hún við.

Söngvarinn R. Kelly.

„Robert, þú átt eftir að drepa mig“

Eins og sést í meðfylgjandi myndbandi tekur það á Andreu að segja frá þessu atviki enda hélt hún að þetta yrði hennar síðasta.

„Eina ástæðan fyrir því að ég komst lifandi af er af því að ég sagði: Robert, þú átt eftir að drepa mig. Ég get ekki andað. Þú verður að taka handlegginn þinn af hálsinum mínum. Og ég man að ég sat í aftursætinu á Hummer-bifreiðinni og blánaði og ég hugsaði bara: Guð minn góður, ég á eftir að deyja hér í aftursætinu og hann á bara eftir að keyra í burtu með líkið og enginn á eftir að komast að þessu.“

Þá rifjar Andrea upp annað atvik þar sem tónlistarmaðurinn batt hana í hjónarúminu en að hún hafi losnað úr þeim aðstæðum því hann hafi sofnað.

„Pabbi, af hverju ertu svona vondur við mömmu?“

Andrea og R. Kelly eiga þrjú börn saman; Joann, 20 ára, Jay, 18 ára og Robert Jr., 16 ára. Andrea segir að ofbeldið, bæði líkamlegt og andlegt, hafi orðið svo slæmt að hún hafi reynt að fyrirfara sér.

„Ég reyndi að fremja sjálfsvíg. Það var eftir atvik með yngstu dóttur minni, Joann, sem gaf mér styrk til að fara frá honum. Við vorum að skoða myndir og í stuttu máli var hann illúðlegur við mig og dóttir mín sagði: Pabbi, af hverju ertu svona vondur við mömmu? Af hverju ertu að tala svona við hana? Þannig að ég vissi að ég þyrfti að vera fyrirmynd fyrir dóttur mína, en jafnvel á þessari stundu þar sem ég fann fyrir styrk fann ég einnig fyrir vanmætti þegar ég yfirgaf herbergið,“ segir Andrea og bætir við að hún hafi í framhaldinu farið út á svalir með það í huga að taka sitt eigið líf.

„Ég leit niður og Guð leyfði mér að sjá sjálfa mig liggjandi blóðug á götunni. Ég man bara eftir því að heyra raddir barna minna í bakgrunninum og þau sögðu: Mamma, mamma. Af hverju stökk hún? Og það var mín myrkasta stund sem móðir því þegar þú ert tilbúin til að gera börnin þín móðurlaus er það þinn lægsti punktur. Sem móðir, lifi ég fyrir börnin mín.“

Andrea fékk nálgunarbann á söngvarann árið 2005, ári áður en skilnaður þeirra gekk í gegn. Í dag talast þau ekki við.

Andrea hefur ekki talað við R. Kelly síðan þau skildu.

Fjölmargar ásakanir um óviðeigandi hegðun

R. Kelly hefur fengið á sig fjölmargar ásakanir um óviðeigandi hegðun og kynferðisbrot síðustu áratugi. Hann kvæntist söngkonunni Aaliyah árið 1994, þegar hann var 27 ára og hún aðeins fimmtán ára. Hjónabandið var ógilt ári síðar. Á árunum 1996 og 2002 sökuðu þrjár unglingsstúlkur hann um kynferðisbrot, en þau mál var samið um utan réttarsals. Árið 2008 var hann síðan sóttur til saka fyrir að taka upp kynlífsmyndband með stúlku sem talið var að væri aðeins þrettán ára. Hann var sýknaður. Á síðasta ári var R. Kelly síðan sakaður um að halda konum gegn vilja sínum á heimili sínu í það sem var kallað sértrúarsöfnuður helgaður kynlífi.

Lilja Katrín Gunnarsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 18 klukkutímum

Kristín Þóra valin í Shooting Stars 2019 – „Sýnir mjög djúpa innsýn og skilning á hlutverkum sínum“

Kristín Þóra valin í Shooting Stars 2019 – „Sýnir mjög djúpa innsýn og skilning á hlutverkum sínum“
Fókus
Fyrir 20 klukkutímum

Vertu með í jóladagatali HIITFIT – Brjóttu upp kyrrsetuna

Vertu með í jóladagatali HIITFIT – Brjóttu upp kyrrsetuna
Fókus
Fyrir 20 klukkutímum

Stjórnin gefur út sitt fyrsta jólalag – Enn ein jól

Stjórnin gefur út sitt fyrsta jólalag – Enn ein jól
Fókus
Í gær

Guðrún Dröfn fann upprunann á verndarsvæði

Guðrún Dröfn fann upprunann á verndarsvæði
Fókus
Í gær

Jodie Foster tekur við af Halldóru sem Halla – „Ég get ekki beðið eftir að leika hana“

Jodie Foster tekur við af Halldóru sem Halla – „Ég get ekki beðið eftir að leika hana“
Fókus
Í gær

Linda Pé var dómari í Ungfrú Heimur 2018

Linda Pé var dómari í Ungfrú Heimur 2018
Fókus
Í gær

Margir minnast Einars Darra: „Hann var með bros sem lýsti upp allt í kringum hann“

Margir minnast Einars Darra: „Hann var með bros sem lýsti upp allt í kringum hann“