American Pie-söngvarinn Don McLean, sem er 73ja ára gamall, og fyrirsætan Paris Dylan, sem er 24ra ára, hafa endanlega staðfest að þau eiga í rómantísku ástarsambandi.
Bæði Don og Paris hafa undanfarið birt myndir af sér á samfélagsmiðlum, yfir sig ástfangin. Þau virðast hafa ferðast til höfuðborgar ástarinnar, Parísar í Frakklandi, og nutu ferðarinnar, ef marka má færslur þeirra á netinu.
a dream with my love..❤️ pic.twitter.com/0XTq0z2wjW
— Paris (@Paris5503) October 28, 2018
„Draumur með ástinni minni,“ tísti Paris við mynd af parinu fyrir framan Eiffel-turninn og skreytti textann að sjálfsögðu með hjarta tjákni. Þess má geta að parið heimsótti einnig Louvre-safnið og Versali, þekktustu ferðamannastaði borgarinnar.
love of my life. pic.twitter.com/jnjCZ08QLN
— Paris (@Paris5503) October 21, 2018
Don er á tónleikaferðalagi um Evrópu og Paris hefur verið honum við hlið allan tímann. Hún hefur margoft á samfélagsmiðlum kallað söngvarann ástina í lífinu sínu.
Fyrstu sögusagnir um að parið væri meira en bara vinir spruttu upp í mars á þessu ári þegar þau sáust saman í Bretlandi er Don var á tónleikaferðalagi. Paris birti hins vegar fyrst mynd af sér og Don í nóvember árið 2016 og síðan þá hefur hún birt ýmsar myndir af turtildúfunum, þar á meðal þegar Don átti afmæli fyrr í þessum mánuði.
„Til hamingju með afmælið elskan mín, fegurðin mín, ástin í lífi mínu, mitt allt,“ skrifaði hún þá.
Don er tvíkvæntur, fyrst Carol á árunum 1969 til 1972 og síðar Patrisha Shnier á árunum 1987 til 2016. Hann er heimsþekktur tónlistarmaður og hvað frægastur fyrir lagið American Pie sem kom út árið 1971. Önnur lög sem hann hefur gert fræg eru meðal annarra Vincent, Crying og Castles in the Air.
Paris, sem hefur einnig gengið undir nöfnunum Paris Roxanne og Paris Dunn, vann sér það til frægðar að koma fram í raunveruleikaþættinum Catfish á MTV árið 2017. Þá hefur hún setið fyrir á síðum Playboy og Maxim.
View this post on Instagram
? Don’t take this heaven from one If you must cling to someone Now and forever, let it be me….?❤️