Fókus

Rappari féll til bana við tökur á tónlistarmyndbandi

Lilja Katrín Gunnarsdóttir
Þriðjudaginn 23. október 2018 22:30

Hvíl í friði Jon James.

Kanadíski rapparinn Jon James McMurray féll til bana er hann var að taka upp tónlistarmyndband á laugardaginn síðasta. Jon var að leika í áhættuatriði þar sem hann átti að ganga eftir flugvélavæng þegar hann féll til jarðar og lést. Hann var 33ja ára.

Upptökur á myndbandinu fóru fram í Vernon í Bresku-Kólumbíu í Kanada, en Jon James hafði æft stíft svo vikum skipti til að fullkomna áhættuatriðið á lítilli Cessna-flugvél.

„Hann lést við tökur á verkefni sem hann hafði unnið að í marga mánuði. Síðasta atriðið fól í sér að hann myndi rappa á meðan hann gekk eftir vængnum,“ kemur fram í tilkynningu frá blaðafulltrúa rapparans.

„Er Jon gekk lengra út á flugvélavænginn byrjaði flugvélina að hrapa og náði flugmaðurinn ekki að rétta hana af. Jon hélt sér í vænginn þar til það var of seint og þegar hann sleppti hafði hann ekki tíma til að opna fallhlífina sína. Hann féll til jarðar og lést samstundis,“ segir ennfremur í tilkynningunni.

Jon James deildi myndbandi á Instagram þann 2. október þar sem hann sást æfa sig fyrir áhættuatriðið örlagaríka.

Jon James var afreksmaður í skíðaíþróttum þar til hann meiddist í baki fyrir nokkrum árum. Hann söðlaði um og dembdi sér í tónlistarbransann og gaf út sína fyrstu plötu, Rex Leo, árið 2016. Hann hafði á ferlinum leikið í fjölda áhættuatriða og slasað sig margoft.

Jon James skilur eftir sig eiginkonuna Kali James.

Lilja Katrín Gunnarsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Silja Aðalsteins skrifar leikdóm um Tvískinnung – „Magnað sjónarspil á köflum“

Silja Aðalsteins skrifar leikdóm um Tvískinnung – „Magnað sjónarspil á köflum“
Fókus
Í gær

Ragga nagli – „Suma daga er ferskleikinn á við þriggja daga gamla óundna borðtusku“

Ragga nagli – „Suma daga er ferskleikinn á við þriggja daga gamla óundna borðtusku“