Stefnumótamenning á Íslandi hefur aldeilis breyst á síðustu árum með tilkomu samfélagsmiðla og smáforrita. Það hefur einnig gert almúganum auðveldara að kynnast frægum sem eru á lausu. DV tók saman lista yfir nokkra fræga sem kannski ekki allir vita að eru á lausu.
Ólöf er ritstjóri Fréttablaðsins og er þekkt fyrir að skrifa beitta pistla um málefni líðandi stundar. Ólöf er þrítug og má fullyrða að hún sé mjög eftirsótt.
Það er ótrúlegt að hugsa til þess þegar horft er í augun á Rúrik að hann sé á lausu. Hann sló rækilega í gegn á samfélagsmiðlum á HM í sumar og er nú með 1,2 milljónir fylgjendur. Geri aðrir betur.
Samfélagsmiðlastjarnan Sunneva Einarsdóttir lifir sannkölluðu stjörnulífi, fyrr á þessu ári var hún bara að hanga með Jennifer Lopez.
Sunna Elvira Þorkelsdóttir lenti í hræðilegu atviki á Spáni snemma á þessu ári, stuttu síðar var eiginmaður hennar handtekinn fyrir fíkniefnasmygl. Sunna er nú á lausu, í vikunni þakkaði hún góðlátum strætisvagnabílstjóra sem hjálpaði henni inn og út úr vagninum óumbeðinn.
Pétur Örn Guðmundsson er virkilega hress og skemmtilegur. Pétur er tónlistarmaður í húð og hár og kannast líklega flestir Íslendingar við hann. Viðurnefnið, Jesús, hlaut Pétur eftir leik sinn í söngleiknum Jesus Christ Superstar og hefur það loðað við hann allar götur síðan.
Sigurður Þorri er einn hressasti útvarpsmaður landsins og stjórnar þáttunum Í beinni með Sigga Gunnars á K100. Akureyringurinn er virkilega skemmtilegur karakter og nýtur mikilla vinsæla sem spinningþjálfari í World Class. Slæmar fréttir fyrir stelpur en góðar fréttir fyrir stráka, Siggi er hinsegin.