Fókus

Guðrún Gunnars gefur út Eilífa tungl

Ragna Gestsdóttir
Mánudaginn 22. október 2018 16:30

www.danielstarrason.com

Í dag gefur söngkonan Guðrún Gunnarsdóttir út plötuna Eilífa tungl, en 9 ár eru liðin frá því síðasta sólóplata hennar kom út og var sú með lögum eftir sænska söngvaskáldið Cornelis Vreeswijk. Útgáfutónleikar verða á miðvikudag í Salnum Kópavogi.

„Mér finnst alltaf erfitt að flokka tónlist en get lýst þessari plötu kannski best sem rólegri,blíðlegri og þægilegri, falleg lög, fallegir textar,“ segir Guðrún í samtali við DV.  „Meðal annars nokkur ný íslensk lög og nokkur erlend lög með nýjum íslenskum textum.“

Meðal höfunda eru Aðalsteinn Ásberg, Ásgeir Ásgeirsson, Haraldur V. Sveinbjörnsson, Sigvaldi Kaldalóns, Sveinn Arnar Sæmundsson, Sigurbjörg Þrastardóttir og Bragi Valdimar Skúlason. 

Útgáfutónleikar verða í Salnum í Kópavogi miðvikudaginn 24. október kl. 20.

Á útgáfutónleikunum verður flutt efni af nýju plötunni, en auk þess valin lög sem margir kannast við.

„Útgáfutónleikarnir verða blíðlegir og þægilegir með þessum fallegum lögum, engin læti. Ég verð með frábæra hljómsveit með mér,Gunnar Gunnarsson píanóleikari,Ásgeir Ásgeirsson gítarleikari,Þorgrímur Jónsson á kontrabassa og Hannes Friðbjarnarson á trommur og slagverk og svo kemur fram Sönghópurinn við Fríkirkjuna og Þórdís Gerður Jónsdóttir sellóleikari.“

 

„Engin sérstök ástæða fyrir því að það líður svona langt á milli útgáfu, bara annir við annað,sosum ekki mikil geisladiskasala í gangi svo það lá ekki á,“ segir Guðrún aðspurð um af hverju liðu níu ár milli platna. „Ég gaf út fyrstu sólóplötuna mína komin yfir fertugt og þetta er mín fimmta núna, nú er ég 55 ára, svo maður er alveg rólegur. Ég er með svo frábæran útgefanda með mér, Aðalstein Ásberg hjá Dimmu og við höfum bæði trú á því að fólk vilji ennþá kaupa tónlist á geisladiskum, heildarverk sem inniheldur mikilvægar upplýsingar og  textana við lögin.“

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 23 klukkutímum

Tónlistarmaður mánaðarins María Agnesardóttir – Söng lag Beyoncé í minningarmyndbandi

Tónlistarmaður mánaðarins María Agnesardóttir – Söng lag Beyoncé í minningarmyndbandi
Fókus
Í gær

Guðni viðurkennir að hafa gengið of langt

Guðni viðurkennir að hafa gengið of langt
Fókus
Fyrir 2 dögum

Stjörnumerkin og fatastíll: Rísandi Steingeit – Vekur athygli án þess að reyna það!

Stjörnumerkin og fatastíll: Rísandi Steingeit – Vekur athygli án þess að reyna það!
Fókus
Fyrir 2 dögum

Hvernig er best fyrir kennara að spilla nemendum sínum?

Hvernig er best fyrir kennara að spilla nemendum sínum?