Það verður sannkölluð veisla í næsta þætti af DV tónlist en þá mun hip hop konungur landsins Gauti Þeyr Másson, betur þekktur sem Emmsjé Gauti, mæta í settið og kynna sína fimmtu breiðskífu sem nefnist FIMM. Útsendingin hefst í dag, föstudag, á slaginu 13.00.
Emmsjé Gauti hefur verið einn allra vinsælasti rappari landsins undafarin ár en kappinn hlaut meðal annars fimm verðlaun á Íslensku tónlistarverðlaununum í fyrra.
Ítarlegt viðtal við Emmsjé Gauta er að finna í helgarblaði DV sem kom út í dag.
