Fókus

Elín Kára – Lifðu þínu lífi með þínum líkama ekki annarra

Elín Kára
Mánudaginn 15. október 2018 13:00

Elín Káradóttir heldur úti blogsíðu undir eigin nafni þar sem hún skrifar um jákvætt hugarfar, fjármál og lífstíl. Í þessum pistli fjallar hún um að skapa og elta eigin drauma í stað þess að upplifa þá í gegnum aðra.

Margir, bara mjög margir detta í þann pitt að lifa í gegnum aðra og oft verða börnin fyrir valinu. „Hann sonur minn er sko enginn hommi, hann er fullkominn eins og ég“ – skrifaði Bubbi Morthens 1984. Fátt hefur breyst síðan þá og Bubbi náði að koma þessu snilldarlega á framfæri í þessum flotta texta um strákana á Borginni.

Alltof margir vilja gera börnin sín að ofurstjörnum í þeirri grein sem það sjálft hefur áhuga á. Barnið er ekki spurt um áhugasvið, heldur ætlar fólk að lifa sína drauma í gegnum þau. Í stað þess að einbeita sér betur að sjálfum sér og ná sjálfur árangri. Vertu þín eigin stórstjarna í þinni grein!

Hættu að sóa tíma í að upplifa drauminn í gegnum einhvern annan.

Þegar þú byrjar að framkvæma. Þegar þú ferð að lifa þína drauma á eigin forsendum eru miklar líkur á því að þú smitir börnin þín og aðra af áhuga og þau leiðast í sömu átt og þú ert að fara.

Hér eru nokkur dæmi um hversu óheiðarlegt fólk er við sjálft sig og aðra í kringum sig á sama tíma. Þetta er ekki algilt (sem betur fer), þó ég setji þetta fram sem fullyrðingar:

  • Foreldrar skipa börnunum sínum að mæta á íþróttaæfingar, en hreyfa sig ekkert sjálft– Af hverju?? Vertu fyrirmynd fyrir börnin og hreyfðu þig líka – þau munu elta þig um leið og þú ferð af stað.
  • „Ég byrjaði svo seint að læra á þverflautu og þess vegna ætla ég að láta dóttur mína klára dæmið og verða þverflautu snilling, sama hvað það kostar!“– Af hverju geriru þetta ekki sjálf? Þú ert ekki dauð ennþá, svo hvað er að stoppa þig?
  • „Einhver af börnunum eða barnabörnunum þarfað taka við búskapnum.“ – Ha? Af hverju?? Þó svo að þetta sé dauðadæmt dæmi og enginn hefur áhuga? Þú hefðir kannski átt að gera þetta meira spennandi fyrir börnin á sínum tíma og vera sjálfur meira spennandi, þá væru þau sennilega öll að keppast um góssið.
  • „Ég var í veitingahúsabransanum, foreldrar mínir voru það líka, þannig að eitt af mínum börnum mun taka við af mér – þannig hefur þetta alltaf verið. Við fjölskyldan höfum þetta í genunum!“ – Fyrirtækjarekstur hefur ekkert með gen að gera. Hins vegar getur áhugi smitast og þekking fer mann frá manni, oft innan fjölskyldunnar. En oft þegar komið er niður í þriðju eða fjórðu kynslóð þá er ekki mikill áhugi fyrir að halda á lífi draum sem afi eða langafi átti um veitingahús (eða einhvern annan fyrirtækjarekstur).

Er ekki kominn tími til að ÞÚ skrifir niður þína drauma. Hvernig lífi vilt þú lifa? Svo skaltu fara lifa því sjálf/ur. Leyfðu hinum að lifa sínu lífi. Þú átt eftir að finna fullt af fólki sem vill vera samferða þér, ýmist í stuttan eða langan tíma.

 

Elín Kára
Elín Kára er bloggari, fyrirtækjaeigandi, eiginkona og tveggja barna móðir sem hefur mikinn áhuga á góðum mat. Bloggið hennar fjallar einna helst um jákvætt hugarfar, fjármál og lífstíll ásamt peppi, nenni og einfaldleika.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Stjörnumerkin og fatastíll: Rísandi Steingeit – Vekur athygli án þess að reyna það!

Stjörnumerkin og fatastíll: Rísandi Steingeit – Vekur athygli án þess að reyna það!
Fókus
Í gær

Hvernig er best fyrir kennara að spilla nemendum sínum?

Hvernig er best fyrir kennara að spilla nemendum sínum?
Fókus
Fyrir 2 dögum

Auður skrifar um framúrskarandi krakka í neyslu – „Erfiðara að koma af fullkomnu heimili eða vera fullkominn því fallið er hærra“

Auður skrifar um framúrskarandi krakka í neyslu – „Erfiðara að koma af fullkomnu heimili eða vera fullkominn því fallið er hærra“
Fókus
Fyrir 2 dögum

Valgarður fékk skelfilegt hugboð – „Eins og eitthvað flygi í gegnum hausinn á mér, eitthvað kalt. Það fyrsta sem ég hugsaði var – „Mamma!“

Valgarður fékk skelfilegt hugboð – „Eins og eitthvað flygi í gegnum hausinn á mér, eitthvað kalt. Það fyrsta sem ég hugsaði var – „Mamma!“
Fókus
Fyrir 2 dögum

BLE-Rödd unga fólksins hlaut 19.2% atkvæða

BLE-Rödd unga fólksins hlaut 19.2% atkvæða
Fókus
Fyrir 2 dögum

Sérkennilegur minjagripur – Yfir 60 ára gamall strætómiði

Sérkennilegur minjagripur – Yfir 60 ára gamall strætómiði