Fókus

Gerðu þarfir sínar og stunduðu kynlíf fyrir allra augum – Manstu eftir Hallærisplaninu?

Auður Ösp
Laugardaginn 13. október 2018 17:00

Undir vökulum augum fjögurra fílefldra lögregluþjóna er ungur uppreisnarseggur látinn tína upp glerbrot flöskunnar sem hann braut, kannski gegn vilyrði um að þetta yrði eina refsingin að þessu sinni; auðmýkingin.

Unglingar á sjöunda, áttunda og níunda áratug síðustu aldar söfnuðust oft saman á Hallærisplaninu. Þá skipti engu hvernig vindar blésu. Hallærisplanið, þar sem nú er Ingólfstorg, var nokkurs konar félagsmiðstöð unglinga. Þegar mest var voru um fjögur þúsund ungmenni á svæðinu. Áflog og drykkjulæti voru daglegt brauð og eldri kynslóðinni var ekki skemmt. Eins og sagði í DV árið 2004:

„Unglingar stóðu fyrir hefðbundinni uppreisn gegn heimskum heimi hinna fullorðnu, með hefðbundnum aðferðum; drykkju, formælingum, léttum skemmdarverkum og þvíumlíku. Sem sagt hefðbundin og árviss uppreisn unga fólksins. Er fullyrt að þegar mest stóð á hafi unglingar vaðið yfir Grjótaþorpið, gert „þarfir sínar hvar sem var“ og „eðlað sig fyrir allra augum“.“

Eftir því sem leið á níunda áratuginn minnkaði aðdráttarafl plansins. Ungmennin fóru að sækja í félagsmiðstöðvar og sérstaka unglingaskemmtistaði þess í stað. Á þessum árum var skemmtistöðum lokað klukkan þrjú eftir miðnætti og flykktist þá fólk á Lækjartorg og Hallærisplanið. Eftir að opnunartími var gefinn frjáls breyttist skemmtanamenningin. Nú er miðbærinn fullur af mörgum litlum börum þar sem fólk skemmtir sér fram undir morgun.

DV hefur áður fjallað um Hallærisplanið og birtir nú fleiri myndir frá þessum goðsagnakennda stað.

 

Auður Ösp
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 23 klukkutímum

Tónlistarmaður mánaðarins María Agnesardóttir – Söng lag Beyoncé í minningarmyndbandi

Tónlistarmaður mánaðarins María Agnesardóttir – Söng lag Beyoncé í minningarmyndbandi
Fókus
Í gær

Guðni viðurkennir að hafa gengið of langt

Guðni viðurkennir að hafa gengið of langt
Fókus
Fyrir 2 dögum

Stjörnumerkin og fatastíll: Rísandi Steingeit – Vekur athygli án þess að reyna það!

Stjörnumerkin og fatastíll: Rísandi Steingeit – Vekur athygli án þess að reyna það!
Fókus
Fyrir 2 dögum

Hvernig er best fyrir kennara að spilla nemendum sínum?

Hvernig er best fyrir kennara að spilla nemendum sínum?