Fókus

Leikárið fer af stað með látum – „Allt er þegar áttatíuogtvennt er“

Ragna Gestsdóttir
Föstudaginn 12. október 2018 17:30

Leikár Þjóðleikhússins hefur farið af stað með látum og sýningum hússins verið afar vel tekið. Sú ótrúlega staða er komin upp að í október eru sýndar hvorki meira né minna en 82 leiksýningar á aðeins 24 sýningardögum.

 

„Þetta eru rétt tæplega þrjár og hálf sýning á hvern sýningardag,“ segir Atli Þór Albertsson markaðsstjóri leikhússins. „Það man enginn hér eftir öðru eins og við finnum engar sambærilegar tölur frá fyrri tíð í okkar gögnum svo við leyfum okkur að telja að þetta sé mesti fjöldi sýninga sem sýndur hefur verið á jafn skömmum tíma hér í Þjóðleikhúsinu. Það er svo meira og minna uppselt á allar þessar sýningar svo það er sérstaklega ánægjulegt.“

 

„Við erum að sýna þétt á öllum okkar sviðum auk þess sem við bjóðum elstu bekkjum leikskólanna upp á sýningar af Sögustund í þessari viku. Það er uppselt á Ronju ræningjadóttur út árið. Ég heiti Guðrún sem er aðeins sýnd í október er nær uppseld. Slá í gegn er að klárast, Fly me to the moon, Einar Áskell og svo  sýningarnar í Þjóðleikhúskjallaranum. Eins og máltækið segir: Allt er þegar áttatíuogtvennt er.“

 

Þess má geta að miðasala á sýningar ársins 2019 á Ronju ræningjadóttur hefst á morgun föstudag og því ekkert útlit fyrir að álagið minnki á næstunni.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Silja Aðalsteins skrifar leikdóm um Tvískinnung – „Magnað sjónarspil á köflum“

Silja Aðalsteins skrifar leikdóm um Tvískinnung – „Magnað sjónarspil á köflum“
Fókus
Í gær

Ragga nagli – „Suma daga er ferskleikinn á við þriggja daga gamla óundna borðtusku“

Ragga nagli – „Suma daga er ferskleikinn á við þriggja daga gamla óundna borðtusku“