fbpx
Sunnudagur 17.febrúar 2019
Fókus

Leikdómur – „Bráðskemmtilegt verk um hugarangur nútímamannsins; samviskubitið sem er alla að drepa“

Ragna Gestsdóttir
Fimmtudaginn 11. október 2018 17:00

Ekki missa af Helstu tíðindum dagsins í pósthólfið þitt

Lesa nánar

Ingibjörg Þórisdóttir doktorsnemi í þýðingafræðum skrifar í Hugrás, vefriti Hugvísindasviðs Háskóla Íslands, leikdóm um Griðastað, sem frumsýnt var síðastliðinn laugardag í Tjarnarbíói.

Það er ávallt eftirtektarvert þegar nýir höfundar koma fram á sjónarsviðið. Matthías Tryggvi Haraldsson útskrifaðist af sviðslistabraut Listaháskólans í vor og var leikritið Griðastaður útskriftarverkefni hans.  Var það sýnt í Smiðjunni á Sölvhólsgötu, húsnæði LHÍ, í maí síðastliðnum. Allir deyja leikfélag setur verkið á svið og var það frumsýnt í Tjarnarbíói þann 6. október.

Leikritið er einleikur og fjallar um Lárus sem er starfsmaður hjá IKEA. Við fáum að fylgjast með honum setja sig í stellingar og undirbúa sig til að taka á móti nýjum hópi starfsmanna og setja þá ,,inn í málin“. IKEA hefur sérstakan sess í lífi Lárusar og í verkinu segir hann frá því hvernig IKEA hefur komið honum til bjargar á einn eða annan hátt.  Verkið fjallar um tilvistarkreppu; endalaust samviskubit gagnvart náttúrunni og fjölskyldunni, um lífið og dauðann og einsemd. Hlutir verslunarinnar, svo sem baðherbergi, sófar og kryddhillur, koma einnig hnyttilega við sögu.

Griðastaður er bráðskemmtilegt verk um hugarangur nútímamannsins; samviskubitið sem er alla að drepa. Matthías Tryggvi skrifar skemmtilegan texta á góðu máli. Það sem mætti kannski helst finna að verkinu er að stöku sinnum skortir á hnitmiðun í verkinu, sér í lagi þegar dregur að lokum þess. En það kemur þó ekki að sök í heildarmyndinni.

Jörundur Ragnarsson fer með hlutverk Lárusar. Leikur hans er áreynslulaus og nær Jörundur þessari hárfínu línu milli tragedíu og kómedíu.

Tónlist, eða eins konar hljóðmynd, Ingibjargar Ýrar Skarphéðinsdóttur er ágeng en um leið látlaus, kannski eins konar undirmeðvitund. Leikmynd, ljós og búningar styðja mæta vel við texta og látbragð leikarans, sem og verkið í heild.

Það verður gaman að sjá hvað þessi ungi höfundur kemur með næst á fjalirnar.

Greinin birtist fyrst í Hugrás, vefriti Hugvísindasviðs Háskóla Íslands.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Öll tíst á einum stað: Ekki missa af einni mínútu í kvöld

Öll tíst á einum stað: Ekki missa af einni mínútu í kvöld
Fókus
Í gær

Seinni undanúrslit söngvakeppninnar í kvöld – Hvert er þitt uppáhald?

Seinni undanúrslit söngvakeppninnar í kvöld – Hvert er þitt uppáhald?
Fókus
Fyrir 2 dögum

DV Tónlist kl. 13: Dj flugvél og geimskip

DV Tónlist kl. 13: Dj flugvél og geimskip
Fókus
Fyrir 2 dögum

Spennt og stressuð fyrir Söngvakeppninni: „Sköpun hefur alltaf verið stór hluti af mínu lífi“

Spennt og stressuð fyrir Söngvakeppninni: „Sköpun hefur alltaf verið stór hluti af mínu lífi“
Fókus
Fyrir 3 dögum

Bíóhornið: Vesalings elskendur og vegleg vélmenni

Bíóhornið: Vesalings elskendur og vegleg vélmenni
Fókus
Fyrir 3 dögum

Edda Björgvins birtir goðsagnakennt myndband: „Á sunnudögum erum við oftast með smyglað“

Edda Björgvins birtir goðsagnakennt myndband: „Á sunnudögum erum við oftast með smyglað“